ହାଇଦ୍ରାବାଦ: ଅଗଷ୍ଟ 23, 2023 । ଚନ୍ଦ୍ରଯାନ-3 ଚନ୍ଦ୍ରର ଦକ୍ଷିଣ ମେରୁରେ ସଫ୍ଟ ଲ୍ୟାଣ୍ଡିଂ କରାଇ ଇତିହାସ ରଚିଥିଲା ମହାକାଶ ଗବେଷଣା ସଂସ୍ଥା। ଭାରତର ଅନ୍ତରୀକ୍ଷ ମିଶନ ପାଇଁ ଏହି ଦିନ ସ୍ବତନ୍ତ୍ର ରହିଥିଲା। ତେବେ ଏହାରି ଭିତରେ ଇସ୍ରୋ ପକ୍ଷରୁ ଆଜି(ଶୁକ୍ରବାର) ଏକ ଟ୍ବିଟ କରି ସୂଚନା ଦିଆଯାଇଛି। ଚନ୍ଦ୍ରଯାନ-3ର ଲ୍ୟାଣ୍ଡି ସମୟର ସ୍ଥିତି ବା ଦୃଶ୍ୟକୁ ବର୍ଣ୍ଣନା କରାଯାଇଛି। ବିକ୍ରମ ଲ୍ୟାଣ୍ଡର ଦକ୍ଷିଣ ମେରୁରେ ଲ୍ୟାଣ୍ଡ କରିବା ପରେ ଇଜେକ୍ଟା ହୋଲ ତିଆରି କରିଥିଲା। NRSC ଇସ୍ରୋର ବୈଜ୍ଞାନିକଙ୍କ କହିବା ଅନୁସାରେ, ବିକ୍ରମ ଲ୍ୟାଣ୍ଡ କରିବା ସମୟରେ 2.06 ଟନ ମାଟିକୁ(ମୁନ ଏପିରେଗୋଲଥ) 108.4 ବର୍ଗ ମିଟର କ୍ଷେତ୍ରରେ ବିସ୍ଥାପିତ କରିଥିଲା। ଅର୍ଥାତ ଚନ୍ଦ୍ରପୃଷ୍ଠରେ ଏକ ବଡ ଗର୍ତ୍ତ(ଇଜେକ୍ଟା ହୋଲ) ସୃଷ୍ଟି ହୋଇଥିଲା।
ଇଜେକ୍ଟା ହୋଲ କଣ: ଯେତେବେଳେ ଚନ୍ଦ୍ରଯାନ-3ର ଲ୍ୟାଣ୍ଡର ଚନ୍ଦ୍ରପୃଷ୍ଠରେ ଲ୍ୟାଣ୍ଡିଂ ପ୍ରକ୍ରିୟା ଆରମ୍ଭ କରିଥିଲା ସେହି ସମୟରେ ଚନ୍ଦ୍ରପୃଷ୍ଠରେ ରହିଥିବା ମାଟି କ୍ଷୀପ୍ର ଗତିରେ ଉଡିଥିଲା। ତେବେ ଚନ୍ଦ୍ରପୃଷ୍ଠରୁ ଉଡିଥିବା ଏହି ମାଟି ଏବଂ ସେଥିରେ ରହିଥିବା ଉପାଦାନକୁ ବୈଜ୍ଞାନିକ ଭାଷାରେ ଏପିରେଗୋଲିଥ କୁହାଯାଏ। ଚନ୍ଦ୍ର ପୃଷ୍ଠରେ ରହିଥିବା ମାଟି ଟେଲକମ୍ ପାଉଡର ଠାରୁ ମଧ୍ୟ ପତଳା ବୋଲି କୁହାଯାଇଛି। ଚନ୍ଦ୍ରଯାନ-3 ଲ୍ୟାଣ୍ଡରେ ଲାଗିଥିବା ରକେଟ ବୁଷ୍ଟର ଚନ୍ଦ୍ରପୃଷ୍ଠରେ ଅବତରଣ ବା ଲ୍ୟାଣ୍ଡିଂ କରିବା ସମୟରେ ରକେଟ ବୁଷ୍ଟର ଫାୟାରିଂ ସମୟରେ ବିପରୀତ ପାର୍ଶ୍ବରୁ ମାଟି ଉଡିବା ଆରମ୍ଭ କରିଥିଲା।
ଏହା ମଧ୍ୟ ପଢନ୍ତୁ: Chandrayaan-3: ଆଉ ସକ୍ରିୟ ହେବେନି ବିକ୍ରମ ଓ ପ୍ରଜ୍ଞାନ, ଏମିତି କହିଲେ ପୂର୍ବତନ ଇସ୍ରୋ ମୁଖ୍ୟ