ହାଇଦ୍ରାବାଦ: ସେମାନଙ୍କୁ ଦିଆଯାଇଥିବା କାର୍ଯ୍ୟ ଯାହା ବି ହେଉ, କେବଳ ସେମାନେ ହିଁ ଅନନ୍ୟ ଏବଂ ସୃଜନଶୀଳ ଉପାୟରେ ଏହାକୁ ପୂରଣ କରିବାକୁ ସକ୍ଷମ ହେବେ । ଏହି ଲକ୍ଷ୍ୟ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅତୀତରେ ଗୁରୁତ୍ବାରୋପ କରିଥିଲେ ଯେ ଆଜିର ପିଢିଙ୍କ ମଧ୍ୟରେ ଏହିପରି ଜ୍ଞାନକୌଶଳ ପ୍ରତିପାଦନ କରିବା ଏକ ଜାତୀୟ ଆବଶ୍ୟକତା । ଏହା ମଧ୍ୟ ଆତ୍ମନିର୍ଭର ଭାରତ (Atmanirbhar Bharat)ର ମୂଳଦୁଆ ଭାବରେ କାର୍ଯ୍ୟ କରିବ ବୋଲି ସେ ଘୋଷଣା କରିଥିଲେ ।
ଭାରତ ତୁଳନାରେ ଦକ୍ଷିଣ କୋରିଆ, ଜାପାନ, ଜର୍ମାନୀ, ୟୁକେ, ଆମେରିକା, ଚୀନ ଆଦି ଦେଶ ଏହି କ୍ଷେତ୍ରରେ ଆଗରେ ରହିଛନ୍ତି । ଭାରତରେ ଯେଉଁ ଠାରେ ବର୍ଷ ବର୍ଷ ଧରି ଶ୍ରେଣୀଗୃହ ଶିକ୍ଷା ଏବଂ ଶିଳ୍ପରେ ଆବଶ୍ୟକ ଦକ୍ଷତା ମଧ୍ୟରେ ସଂଯୋଗର ଅଭାବ ରହିଛି, ସେଠାରେ ଆଇଟି, ଇଞ୍ଜିନିୟରିଂ ଏବଂ ଅନ୍ୟାନ୍ୟ ସେବାରେ ୬୦ ପ୍ରତିଶତ ସଂସ୍ଥା କୁଶଳୀ ମାନବ ସମ୍ବଳର ଅଭାବର ସମ୍ମୁଖୀନ ହେଉଛନ୍ତି । ଅଲ ଇଣ୍ଡିଆ କାଉନସିଲ୍ ଫର୍ ଟେକ୍ନିକାଲ୍ ଏଜୁକେସନ୍ (AICTE) ମଧ୍ୟ କହିଛି ଯେ ଯଦିଓ ସମଗ୍ର ଭାରତରେ ୧୦ କୋଟି ଚାକିରି ଉପଲବ୍ଧ ରହିଛି ତଥାପି ପ୍ରାୟ ଅନେକ କ୍ଷେତ୍ରରେ ପ୍ରତିଭାବାନ ଯୁବକଙ୍କ ଅଭାବ ରହିଛି । ଯଦି ଯୁବକମାନେ ଜୀବନ ଏବଂ କାର୍ଯ୍ୟରେ ଆବଶ୍ୟକ ଦକ୍ଷତା (Skill) ଅବଲମ୍ବନ କରନ୍ତି, ତେବେ ଏହା ଦାରିଦ୍ର୍ୟ ଦୂରୀକରଣ ଏବଂ ଧନ-ସୃଷ୍ଟିରେ ବହୁତ ସାହାଯ୍ୟ କରିବ ।
୨୦ରୁ ଅଧିକ କେନ୍ଦ୍ରୀୟ ମନ୍ତ୍ରଣାଳୟ ଏବଂ ବିଭାଗର ତତ୍ତ୍ବାବଧାନରେ କାର୍ଯ୍ୟକାରୀ ହେଉଥିବା ବିଭିନ୍ନ ଦକ୍ଷତା ବିକାଶ କାର୍ଯ୍ୟକ୍ରମ ଏହି ଦିଗକୁ ସୀମିତ ଉପାୟରେ ସାହାଯ୍ୟ କରୁଛି । ୩୦ଟି ଉଦୀୟମାନ ପ୍ରଯୁକ୍ତିବିଦ୍ୟାରେ ୧ କୋଟି ଲୋକଙ୍କୁ ମାଗଣା ତାଲିମ ପ୍ରଦାନ କରିବାକୁ ନିକଟରେ କେନ୍ଦ୍ର ଆଗକୁ ଆସିଛି । ଏହା ନିଯୁକ୍ତି ସୁଯୋଗ ସୃଷ୍ଟି କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଥାଏ । କେନ୍ଦ୍ରର ନିର୍ଦ୍ଦେଶନାମା ଅନୁଯାୟୀ ସପ୍ତମ ଶ୍ରେଣୀ ଏବଂ ତଦୁର୍ଦ୍ଧ୍ବ ପାସ୍ କରିଥିବା ବ୍ୟକ୍ତିଙ୍କ ପାଇଁ AICTE ଅଧୀନରେ ଏହା ଉପଲବ୍ଧ ହେବ ।
ଯଦି ଭାରତକୁ ବିଶ୍ବର ଡିଜିଟାଲ ଦକ୍ଷଯୁକ୍ତ କେନ୍ଦ୍ରରେ ପରିଣତ କରିବାକୁ ସରକାରଙ୍କର ଅଭିଳାଷ ସଫଳ ହୁଏ, ତେବେ ସମଗ୍ର ଭାରତରେ ଛାତ୍ରମାନେ ଆହୁରି ଦକ୍ଷ ହେବା ଆବଶ୍ୟକ । ଏହି ଉଦ୍ଦେଶ୍ୟକୁ ପୂରଣ କରିବାକୁ ହେଲେ ସ୍ବଳ୍ପ ଏବଂ ଦୀର୍ଘ ମିଆଦି ରଣନୀତି ସହିତ ତାଲିମ ପ୍ରୋଗ୍ରାମଗୁଡିକ ବ୍ୟାପକ ଭାବରେ କାର୍ଯ୍ୟକାରୀ ହେବା ଆବଶ୍ୟକ । ସମନ୍ବିତ ପ୍ରୟାସରେ କାର୍ଯ୍ୟ କରୁଥିବା କେନ୍ଦ୍ର ଏବଂ ରାଜ୍ୟ ସରକାର ଏଥିପାଇଁ ବୃହତ ପାଣ୍ଠି ସହିତ ଆବଶ୍ୟକ ଭିତ୍ତିଭୂମି ସୃଷ୍ଟି କରିବା ଜରୁରୀ ।
୮୦ ପ୍ରତିଶତ ଇଞ୍ଜିନିୟର ସମସ୍ତ କ୍ଷେତ୍ରରେ ନିଶ୍ଚିତ ଦକ୍ଷ ହେବା ଜରୁରୀ:-