ୱାଶିଂଟନ: ପ୍ରଥମ କରି ରିଅଲ୍-ଟାଇମ୍ ଲାଇଭ ଲୋକେସନ ସେୟାରିଂ ଫିଚର ଆଣିବ ସ୍ନାପଚାଟ୍ । କୌଣସି ସ୍ଥାୟୀ ଲୋକେସନ ନୁହଁ, ଅସ୍ଥାୟୀ ଲୋକେସନ ସେୟାର କରିବ ସ୍ନାପଚାଟ । ଉଦାହରଣ ସ୍ୱରୂପ, ଯଦି କୌଣସି ବନ୍ଧୁ କିମ୍ବା ପରିବାର ବର୍ଗ ଘରକୁ ଆସିବା ପାଇଁ ରାସ୍ତାରେ ଥିବେ ସେହି ସମୟର ଅସ୍ଥାୟୀ ଲୋକେସନ ସେୟାର କରିବ ସ୍ନାପଚାଟ ।
ଭର୍ଜ ଅନୁଯାୟୀ, iOS ର Find My app ର ଫିଚର ସହ ଏହି ନୂଆ ଫିଚରର ସାମଞ୍ଜସ୍ୟ ରହିଛି । ଯେଉଁଠାରେ ଉପଭୋକ୍ତାମାନେ ସଠିକ୍ ସ୍ଥାନ ଦେଖିପାରିବା ସହ ଏହାକୁ ସେୟାର ମଧ୍ୟ କରିପାରିବେ । କେବଳ ପାରସ୍ପରିକ ବନ୍ଧୁମାନଙ୍କ ସହ ୧୫ ମିନିଟ କିମ୍ବା ବ୍ୟକ୍ତିଗତ ଉପଭୋକ୍ତାଙ୍କ ପାଇଁ କିଛି ଘଣ୍ଟାର ଲୋକେସନ ସେୟାର ହୋଇପାରିବ ବୋଲି ସ୍ନାପଚାଟ୍ ପକ୍ଷରୁ କୁହାଯାଇଛି ।
ଅନ୍ୟପକ୍ଷର ବିନା ନୋଟିଫିକେସନରେ ଜଣେ ୟୁଜର ତାଙ୍କ ଲୋକେସନ ସେୟାରକୁ ପଜ୍(pause) କରି ରଖିପାରିବେ । ଏହି ଫିଚର ଡିଫଲ୍ଟ ଭାବରେ ବନ୍ଦ ହୋଇପାରିବ । ମାତ୍ର ସ୍ନାପଚାଟରେ ଥିବା ସମସ୍ତ ଫ୍ରେଣ୍ଡ(ବନ୍ଧୁ)ଙ୍କ ପକ୍ଷ(Side)ରୁ ରିଅଲ-ଟାଇମ ଲୋକେସନ ବନ୍ଦ ରଖିବାର କୌଣସି ବିକଳ୍ପ ଆବିଷ୍କାର ହୋଇନାହିଁ ।