ହାଇଦ୍ରାବାଦ: କୋରୋନା ଭାଇରସ ମହାମାରୀକୁ ରୋକିବା ପାଇଁ ଲଗାଯାଇଥିବା ଲକଡାଉନ ମଧ୍ୟରେ ଭିଡିଓ କନଫରେନ୍ସିଂ ଆପର ଧାରା ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି । ଏହି ସମୟ ମଧ୍ୟରେ ଜୁମ ଆପ ପରି ଆପ୍ଲିକେଶନର କ୍ରେଜ ଦେଖାଦେଇଥିଲା । ଜୁମ ଆପ ଅଧୀନରେ 100 ଲୋକ ଏକାସାଙ୍ଗରେ ଭିଡିଓ କଲ କରିପାରିବେ ।
ଏଭଳି ସ୍ଥିତିରେ ମାଇକ୍ରୋସଫ୍ଟ ଏହାକୁ ଟକ୍କର ଦେଇଛି । ମାଇକ୍ରୋସଫ୍ଟ ଏହାର ମାଇକ୍ରୋସଫ୍ଟ ଟିମରେ ଏକ ନୂତନ ଫିଚର ଆଡ କରିଛି । ଯାହା ଅଧୀନରେ ଆପଣ ଏକାସାଙ୍ଗରେ ଏକ ହଜାର ଲୋକଙ୍କୁ ଭିଡିଓ କଲ କରିପାରିବେ । ଆସନ୍ତୁ ଜାଣିବା ଏହି ଫିଚର କିପରି କାମ କରେ ।
ଟୁଗେଦର ମୋଡ
ଏହି ମୋଡ ଅଧୀନରେ, ଯେତେବେଳେ ଆପଣ ଅଧିକ ଲୋକଙ୍କ ସହିତ ଭିଡିଓ କଲ କରିବେ ସେତେବେଳେ ଆପଣଙ୍କୁ ଜଣାପଡେ ଯେ ଗ୍ରୁପର କେଉଁ ସଦସ୍ୟ ଏହି ସମୟରେ କହୁଛନ୍ତି । ଏହା ୟୁଜର୍ସ ମାନଙ୍କ ମଧ୍ୟରେ କମ୍ୟୁନିକେସନ କରିବା ସହଜ କରିଥାଏ ।
ଭିଡିଓ ଫିଲ୍ଟର
ମାଇକ୍ରୋସଫ୍ଟ ଟିମର ଏହି ଫିଚର ଭିଡିଓ ଫିଲ୍ଟର ଇନଷ୍ଟାଗ୍ରାମ ଏବଂ ସ୍ନାପଚାଟରେ ମିଳୁଥିବା ଫିଲ୍ଟର ସହିତ ସମାନ । ଏକ ଭିଡିଓ କଲ ଆରମ୍ଭ କରିବା ପୂର୍ବରୁ ୟୁଜର୍ସମାନେ ସେମାନଙ୍କର ପ୍ରିୟ ଫିଲ୍ଟର ଚୟନ କରିପାରିବେ, ଯାହା ଦ୍ବାରା ଆପଣଙ୍କର ଆଲୋକ ବହୁତ ଭଲ ହୋଇପାରେ ।