ଲକଡାଉନ ହେତୁ ଇଣ୍ଟରନେଟ ବ୍ୟବହାର ବହୁତ ବଢିଯାଇଛି । କୋରୋନା ଭାଇରସ ନେଇ ଲୋକମାନେ ଇଣ୍ଟରେନେଟରେ ବହୁତ ଥର ସର୍ଚ୍ଚ କରୁଥିବା ଦେଖିବାକୁ ମିଳୁଛି । ଏନେଇ ୟାହୁ ଇଣ୍ଡିଆ ଏକ ରିପୋର୍ଟ ଦେଇଛି ଯେ, ଗତ ଏକ ମାସ ଭିତରେ ଲୋକମାନେ କଣସବୁ ସର୍ଚ୍ଚ କରୁଛନ୍ତି । ପଢନ୍ତୁ ଏହି ରିପୋର୍ଟ...
ଲକଡାଉନରେ ଲୋକମାନେ କୋରୋନା ସମ୍ବନ୍ଧିତ ତଥ୍ୟ ଜାଣିବା ପାଇଁ ସର୍ଚ୍ଚ କରିଛନ୍ତି । ତେବେ ଏସବୁ ମଧ୍ୟରୁ 5 ଟି ଜିନିଷ ଅଧିକ ଥର ସର୍ଚ୍ଚ କରାଯାଇଛି । ଯେମିତିକି covid-19 update, covid-19 tracker, symtomps of covid-19, covdi-19 death troll, covid-19 treatment ।
ଏହାଛଡା ଯାହା ଅଧିକ ଥର ସର୍ଚ୍ଚ ହୋଇଛି ତାହା ହେଉଛି ହାଇଡ୍ରୋକ୍ସି କ୍ଲୋରୋକୁଇନ, ଲକଡାଉନ ଇନ ଇଣ୍ଡିଆ, ଭାକସିନ ଫର କୋରୋନା ଭାଇରସ, ସୋସିଆଲ ଡିସଟାନ୍ସ ଭଳି ଶବ୍ଦ ଅଧିକ ଥର ସର୍ଚ୍ଚ କରାଯାଇଛି ।
ଲକଡାଉନ ସମୟରେ ଅନେକ ଲୋକ ୱାର୍କ ଫ୍ରମ ହୋମ କରୁଛନ୍ତି । ଫଳରେ ଘରେ ରହି ଅନେକ ଲୋକଙ୍କୁ ଭିଡିଓ କନଫରେନ୍ସ ମାଧ୍ୟମରେ କାମ କରିବାକୁ ପଡୁଛି । ସେଥିପାଇଁ ଭିଡିଓ କଲିଙ୍ଗ ସଫ୍ଟୱାର ସମ୍ବନ୍ଧରେ ମଧ୍ୟ ଅନେକ ଚର୍ଚ୍ଚା ହେଉଛି । ଯେମିତିକି zoom, skytype, googlehangout, microsoft team, go to meeetingର ଅଧିକ ସର୍ଚ୍ଚ ହେଉଛି । ଏହାଛଡା ଆମାଜନ ପ୍ରାଇମ, ନେଟଫ୍ଲିକ୍ସ, ହଟଷ୍ଟାର, ଭୁଟ, ଜି 5 ଭଳି ଭିଡିଓ ଷ୍ଟ୍ରମିଂ ପ୍ଲାଟଫର୍ମର ବି ଅନେକ ସର୍ଚ୍ଚ କରାଯାଉଛି ।
ଏହାସହ ୟାହୁ କହିଛି ଯେ, ୟୁଜର ମାନେ କୋରୋନା ଭାଇରସ ସମ୍ବନ୍ଧରେ ଅଧିକ ତଥ୍ୟ ସଂଗ୍ରହ କରିବାକୁ ଚାହୁଁଛନ୍ତି । ଫଳରେ ଅନେକ ଗୁଡିଏ ପ୍ରଶ୍ନର ମଧ୍ୟ ସର୍ଚ୍ଚ ହେଉଥିବା ଦେଖିବାକୁ ମିଳିଛି । ପ୍ରଶ୍ନ ଗୁଡିକ ରହିଛି ଘରେ କିପରି ତିଆରି କରିବେ ମାସ୍କ ? କୋରୋନା ଭାଇରସର କଣ ଟୀକା ରହିଛି? କୋରୋନା ଭାଇରସର ଚିକିତ୍ସା କଣ? ଶରୀରରେ କେତେ ସମୟ ପର୍ଯ୍ୟନ୍ତ କୋରୋନା ଭାଇରସ ରହିଥାଏ ?
