ଯୁବକର ହତ୍ୟା ଅଭିଯୋଗରେ ଥାନା ଘେରିଲେ ଗ୍ରାମବାସୀ

ଯୁବକଙ୍କୁ ହତ୍ୟା ଅଭିଯୋଗରେ ଥାନା ଘେରିଲେ ଗ୍ରାମବାସୀ । ରେଳ ଧାରଣାରୁ ମୃତ ଯୁବକର ମୃତଦେହ ଉଦ୍ଧାର ହୋଇଥିଲା । ଯୁବକର ପ୍ରକୃତ ହତ୍ୟାକାରୀକୁ ଧରିବା ପାଇଁ ଥାନା ଆଗରେ ଧାରଣା ଦେଲେ ପରିବାର ଲୋକ । ଅଧିକ ସୂଚନା ପାଇଁ ପଢନ୍ତୁ ...

ଖୋର୍ଦ୍ଧା: ଯୁବକଙ୍କୁ ହତ୍ୟା ଅଭିଯୋଗରେ ବାଣପୁର ଥାନା ଘେରିଲେ ଗ୍ରାମବାସୀ । ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ନିପୁର ଗ୍ରାମର ଦର୍ଶନ ନାୟକ ଗତ 7ତାରିଖରୁ ନିଖୋଜ ଥିଲେ । ଏନେଇ 8ରେ ବାଣପୁର ଥାନାରେ ଅଭିଯୋଗ ହୋଇଥିଲା । କିନ୍ତୁ ରବିବାର ସୋଲାରୀ ରେଳ ଷ୍ଟେସନ ରେଳଧାରଣାରୁ ତାଙ୍କର ମୃତଦେହ ଜବତ କରି ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଥିଲା ।

ଅନ୍ୟପେଟେ ପରିବାର ବର୍ଗ ମୃତଦେହକୁ ଚିହ୍ନଟ କରିଥିବା ବେଳେ ତାଙ୍କ ପୁଅକୁ ଅପହରଣ ପରେ ହତ୍ୟା କରାଯାଇଥିବା ଅଭିଯୋଗ କରି ବାଣପୁର ଥାନା ଆଗରେ ଧାରଣାରେ ବସିଥିଲେ । ତୁରନ୍ତ ଦର୍ଶନଙ୍କ ହତ୍ୟାକାରୀକୁ ଗିରଫ କରିବା ପାଇଁ ଦାବି କରିଛନ୍ତି ପରିବାର ଲୋକ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ