ଶ୍ରୀନଗର: ଶାମ୍ବା ଜିଲ୍ଲାରେ ମର୍ମନ୍ତୁଦ ସଡକ ଦୁର୍ଘଟଣା । ଗୋଟିଏ ପରିବାରର 5 ମୃତ । ଆଜି ସକାଳୁ ଦେଶରେ ଘଟିଛି ଅନେକ ବଡ ସଡକ ଦୁର୍ଘଟଣା । ତାମିଲନାଡୁ, ମହାରାଷ୍ଟ୍ର, ତେଲେଙ୍ଗାନା ଓ ରାଜସ୍ଥାନରେ ଦୁର୍ଘଟଣା ଘଟି ମୋଟ 34 ଜଣଙ୍କ ମୃତ୍ୟୁ ଘଟିଥିବା ସୂଚନା । ଆଉ ଏବେ ପୁଣି ଏକ ଦୁର୍ଘଟଣାର ଖବର ଆସିଛି ଜାମ୍ମୁର ଶାମ୍ବାରୁ, ଯେଉଁଥିରେ 5ଜଣଙ୍କ ମୃତ୍ୟୁ ଘଟିଛି ।
ଜମ୍ମୁର ଶାମ୍ବା ଜିଲ୍ଲାରେ ଏକ ଭୀଷଣ ସଡକ ଦୁର୍ଘଟଣା ଘଟିଥିବା ସୂଚନା ମିଳିଛି । ପଠାନକୋଟ ଜାତୀୟ ରାଜପଥର ଜଟୱାଲର ନିକଟରେ ଏକ କାର ଓ ଟ୍ରକ ମଧ୍ୟରେ ଜୋରଦାର ଟକ୍କର ହୋଇଛି । ଏଥିରେ ଘଟଣାସ୍ଥଳରେ ହିଁ 5 ଜଣଙ୍କ ମୃତ୍ୟୁ ହୋଇଛି । ଦୁର୍ଘଟଣା ଏତେ ଭୟାନକ ଥିଲା ଯେ ଘଟଣାସ୍ଥଳରେ ହି କାରର ସମ୍ମୁଖ ଭାଗ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା ।