ଓ୍ବାଶିଂଟନ: ଆମେରିକାରେ ଦୁର୍ଘଟଣାଗସ୍ତ ହେଲା ହେଲିକପ୍ଟର । ଭାରସାମ୍ୟ ହରାଇ ବିଦ୍ୟୁତ୍ ତାର ଉପରେ ଖସି ଯାଇଥିବା ସୂଚନା । ରବିବାର ରାତିରେ ଆମେରିକାର ମେରିଲାଣ୍ଡର ମଣ୍ଟଗୋମେରୀରେ ଏହି ଦୁର୍ଘଟଣା ଘଟିଛି(Plane Crashes into Power Lines Montgomery County )। ଏନେଇ ଓ୍ବାଶିଂଟନର ଏକ କର୍ତ୍ତୃପକ୍ଷ ସୂଚନା ଦେଇଛନ୍ତି ।
ଏହି ବିମାନ ଦୁର୍ଘଟଣାରେ କାହାର କୌଣସି କ୍ଷତି ହୋଇନଥିବା ବେଳେ ବିଜୁଳି କଟିଯାଇଛି । ମଣ୍ଟଗୋମେରୀର ପ୍ରାୟ 90ହଜାରରୁ ଊର୍ଦ୍ଧ୍ବ ଘର ଏବଂ ବ୍ୟବସାୟ ପ୍ରତିଷ୍ଠାନରେ ବିଦ୍ୟୁତ୍ ସରବରାହ ବନ୍ଦ ରହିଛି । କୁହାଯାଇପାରେ ଯେ ଦେଶର ଏକ ଚତୁର୍ଥାଂଶ ସ୍ଥାନରେ ବିଦ୍ୟୁତ ବ୍ୟାହତ ହୋଇଛି ।
ଏହା ମଧ୍ୟ ପଢନ୍ତୁ: ଗୁଜୁରାଟ ପୋରବନ୍ଦରରେ ଯବାନଙ୍କ ମୃତ୍ୟୁ, ସହାୟତା ରାଶି ଘୋଷଣା କଲେ EC
ଏନେଇ ମଣ୍ଟଗୋମେରୀ ପୋଲିସ ପକ୍ଷରୁ ଟ୍ବିଟ କରି କୁହାଯାଇଛି ଯେ, "ରୋଥବରୀ ଡକ୍ଟର ଆଣ୍ଡ ଗୋଶେନ୍ ରୋଡରେ ଥିବା ବିଦ୍ୟୁତ ଟାଓ୍ବାର ଉପରେ ଏକ ହେଲିକପ୍ଟର ଖସି ପଡିଛି । ଯାହା ଫଳରେ ଅଧିକାଂଶ ସ୍ଥାନରେ ବିଦ୍ୟୁତ ସରବରାହ ବନ୍ଦ ରହିଛି । ଏବେ ମଧ୍ୟ ଉକ୍ତ ସ୍ଥାନରେ କରେଣ୍ଟ ଚାର୍ଜ ହେଉଥିବା କାରଣରୁ ସାବଧାନତା ଅବଲମ୍ବନ କରନ୍ତୁ ।"
ଓ୍ବାଶିଂଟନ ପକ୍ଷରୁ ଜାରି କରାଯାଇଥିବା ଏକ ବିବୃତ୍ତିରେ କୁହାଯାଇଛି ଯେ,"ଖରାପ ପାଣିପାଗ ଯୋଗୁଁ ହେଲିକପ୍ଟର ଦୁର୍ଘଟଣା ଗସ୍ତ ହୋଇଥିବା ଅନୁମାନ କରାଯାଉଛି । କିନ୍ତୁ ବର୍ତ୍ତମାନ ସୁଦ୍ଧା ସ୍ପଷ୍ଟ ସୂଚନା ମିଳିପାରିନାହିଁ । ବିଦ୍ୟୁତ୍ ତାରରେ ଖସିପଡିବା ଯୋଗୁଁ ବିଦ୍ୟୁତ ସରବରାହ ବନ୍ଦ ରହିଛି । ବର୍ତ୍ତମାନ ତଦନ୍ତ ଜାରି ରହିଛି । ତଦନ୍ତ ପରେ ପ୍ରକୃତ କାରଣ ସ୍ପଷ୍ଟ ହୋଇପାରିବ।"