ଓ୍ବାଶିଂଟନ: ଲୋହିତ ସାଗରରେ ପୁଣି ଡ୍ରୋନ ଆକ୍ରମଣ । ୟେମେନରୁ ହାଉତି ବିଦ୍ରୋହୀ ଦକ୍ଷିଣ ଲୋହିତ ସାଗରରେ ଡ୍ରୋନ ଆକ୍ରମଣ କରିଛି । ପାଖାପାଖି 18ଟି ଡ୍ରୋନ ଆକ୍ରମଣ କରିଥିବା ଜଣାପଡିଛି । ଏନେଇ ଆମେରିକା ସେନା (ସେଣ୍ଟକମ୍) ପକ୍ଷରୁ ସୂଚନା ଜାରି କରାଯାଇଛି । ତେବେ ଡ୍ରୋନଗୁଡିକୁ ଆମେରିକା ଓ ଗ୍ରେଟ୍ ବ୍ରିଟେନ ସେନା, ଖସାଇ ପକାଇଥିବା ଦାବି କରିଛନ୍ତି । ଇସ୍ରାଏଲ- ହମାସ ଯୁଦ୍ଧ ଆରମ୍ଭ ହେବା ପରଠାରୁ ଲୋହିତ ସାଗରରେ ହାଉତି ବିଦ୍ରୋହୀଙ୍କ ଆତଙ୍କରାଜ ବୃଦ୍ଧି ପାଇବାରେ ଲାଗିଛି । ଗତ 7 ସପ୍ତାହ ମଧ୍ୟରେ ପାଖାପାଖି 26 ଥର ଲୋହିତ ସାଗରରେ ଅନ୍ତର୍ଜାତିକ ବାଣିଜ୍ୟିକ ଚ୍ୟାନେଲରେ ଆକ୍ରମଣରେ ହୋଇଥିବା ନେଇ ଆନ୍ତର୍ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
ଇସ୍ରାଏଲ-ହମାସ ଯୁଦ୍ଧର ପ୍ରଭାବ କେବଳ 2 ଦେଶ ନୁହେଁ ବରଂ ସାରା ବିଶ୍ବରେ ଦେଖିବାକୁ ମିଳୁଛି । ଗାଜାରେ ଇସ୍ରାଏଲର ଆକ୍ରମଣକୁ ବିରୋଧ କରି ଇରାନର ସମର୍ଥିତ ହାଉତି ବିଦ୍ରୋହୀ ଲୋହିତ ସାଗରରେ ବାରମ୍ବାର ଆକ୍ରମଣ କରୁଛି । ମାତ୍ର 7 ସପ୍ତାହ ମଧ୍ୟରେ ପାଖାପାଖି 26 ଥର ଲୋହିତ ସାଗରର ଅନ୍ତର୍ଜାତିକ ବାଣିଜ୍ୟିକ ଚ୍ୟାନେଲରେ ଆକ୍ରମଣରେ ହୋଇଥିବା ନେଇ ଆନ୍ତର୍ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି । ବୁଧବାର ଦିନ ସେଣ୍ଟକମ ପକ୍ଷରୁ କୁହାଯାଇଛି ଯେ, ଇରାନ ସମର୍ଥିତ ହାଉତି ବିଦ୍ରୋହୀ ପକ୍ଷରୁ ଡ୍ରୋନ ଆଟାକ କରାଯାଇଥିବା ବେଳେ ଏହାର ଜବାବ ଦେଇଛି ଆମେରିକା ଏବଂ ବ୍ରିଟେନ ସେନା । 2ଟି ଆଣ୍ଟି- ସିପ୍ କ୍ରୁଜ ମିଶାଇଲ ଓ ଗୋଟିଏ ଆଣ୍ଟି ସିପ ବାଲାଷ୍ଟିକ ମିଶାଇଲକୁ ଖସାଇ ଦିଆଯାଇଛି । ୟୁକେ ଓ ସେଣ୍ଟକମ ମିଳିତ ଭାବେ ଡ୍ରୋନଗୁଡ଼ିକ ଖସାଇ ପକାଇଥିବା କହିଛି ସେଣ୍ଟକମ୍ ।