ଲଣ୍ଡନ: ବ୍ରିଟେନର ପରବର୍ତ୍ତୀ ପ୍ରଧାନମନ୍ତ୍ରୀ ଦୌଡରେ ଥିବା ଭାରତୀୟ ବଂଶୋଦ୍ଭବ ତଥା ପୂର୍ବତନ ଅର୍ଥମନ୍ତ୍ରୀ ଋଷି ସୁନକ ଜନ୍ମାଷ୍ଟମୀ ଉତ୍ସବ ପାଳନ କରିଛନ୍ତି । ପତ୍ନୀ ଅକ୍ଷତା ମୂର୍ତ୍ତୀଙ୍କ ସହ ଇସ୍କନ ମନ୍ଦିରେ କୃଷ୍ଣ ଭଗବାନଙ୍କୁ ଦର୍ଶନ କରି ଜନ୍ମାଷ୍ଟମୀ ଉତ୍ସବ ପାଳିଛନ୍ତି ଋଷି ସୁନକ । ଜନ୍ମାଷ୍ଟମୀ ଅବସରରେ ସମସ୍ତଙ୍କୁ ଶୁଭେଚ୍ଛା ଜଣାଇ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଛନ୍ତି ।
ପୋଷ୍ଟରେ ସେ ଲେଖିଛନ୍ତି,'' ହିନ୍ଦୁ ପର୍ବପର୍ବାଣୀ ଭିତରେ ଏହି ଜନ୍ମାଷ୍ଟମୀ ପର୍ବ ବହୁତ ଲୋକପ୍ରିୟ । ଏହି ଦିନ ହିନ୍ଦୁ ସମାଜ ଭଗବାନ ଶ୍ରୀକୃଷ୍ଣଙ୍କ ଜନ୍ମୋଉତ୍ସବ ଧୁମଧାମରେ ପାଳନ କରନ୍ତି । ଶ୍ରଦ୍ଧାଭାବ ସହିତ ହିନ୍ଦୁ ପରିବାର ମନ୍ଦିର ଆସନ୍ତି । ପୂଜାର୍ଚ୍ଚନା କରି ଶ୍ରୀକୃଷ୍ଣଙ୍କ ଜନ୍ମୋତ୍ସବ ପାଳନ କରନ୍ତି ।''
ଋଷି ସୁନକଙ୍କ ପତ୍ନୀ ଅକ୍ଷତା ମୂର୍ତ୍ତି ଭାରତର ସପ୍ଟୱେୟାର କମ୍ପାନୀ ଇମ୍ପୋସିସ ଟେକ୍ନୋଲୋଜିର ପ୍ରତିଷ୍ଠାତା ଓ ଜାଣାଶୁଣା ଉଦ୍ୟୋଗପତି ଏନଆର ନାରାୟଣ ମୂର୍ତ୍ତିଙ୍କ ଝିଅ। 2006ରେ ଋଷି ସୁନକ ଓ ଅକ୍ଷତା ମୂର୍ତ୍ତିଙ୍କ ବିବାହ ହୋଇଥିଲା । ପ୍ରକାଶ ଥାଉ କି, ବ୍ରିଟେନ ପ୍ରଧାନମନ୍ତ୍ରୀ ରେସରେ ଅଛନ୍ତି ଋଷି ସୁନକ । ତାଙ୍କୁ ଟକ୍କର ଦେଉଛନ୍ତି ବିଦେଶ ସଚିବ ଲିଜ ଟ୍ରସ । ସଦ୍ୟ ସର୍ଭେ ରିପୋର୍ଟ ଅନୁସାରେ ଲିଜ ଟ୍ରସ ମଇଦାନରେ ଜବରଦସ୍ତ ସ୍ତରରେ ଅଛନ୍ତି ।