କାବୁଲ:ଗତ ୨୨ ତାରିଖରେ ଆଫଗାନିସ୍ତାନରେ ହୋଇଥିବା ଶକ୍ତିଶାଳୀ ଭୂକମ୍ପ ଝଟକା ତାଲିବାନକୁ ଦୋହଲାଇ ଦେଇଛି । ଏହି ଭୂକମ୍ପରେ ୧୦୦୦ରୁ ଅଧିକ ଲୋକ ମୃତ୍ୟୁବରଣ କରିଥିବା ବେଳେ ଅନେକ ଲୋକ ଆହତ ହୋଇଛନ୍ତି । ଏବେ ବି ଭଗ୍ମାବଶେଷ ତଳେ ଅନେକ ମୃତଦେହ ଥିବା ସନ୍ଦେହ ଜାରି ରହିଛି । ଏଭଳି ପରିସ୍ଥିତିରେ ମିଳିତ ଜାତିସଂଘ ସୁରକ୍ଷା ପରିଷଦ ଗଭୀର ସମବେଦନା ଜଣାଇବା ସହ ସହଯୋଗର ହାତ ବଢାଇଥିଲା ।
ବର୍ତ୍ତମାନ ଭୂକମ୍ପରେ ପୀଡିତ ଲୋକମାନଙ୍କୁ ସହଯୋଗର ହାତ ବଢାଇବା ପାଇଁ ଆମେରିକାର ସହଯୋଗ ଲୋଡିଛି ପାକିସ୍ତାନ । ଦେଶର ଅଚଳ କରାଯାଇଥିବା ବିଦେଶୀ ମୁଦ୍ରା ପାଣ୍ଠିକୁ ଖୋଲିବା ଓ ଲଗାଯାଇଥିବା ଆର୍ଥିକ ପ୍ରତିବନ୍ଧକକୁ ଉଠାଇବା ପାଇଁ ଆଫଗାନିସ୍ତାନ ଆମେରିକାକୁ ଅନୁରୋଧ କରିଛି ତାଲିବାନ ।
ଏନେଇ ତାଲିବାନ ବିଦେଶମନ୍ତ୍ରୀ ଅମୀର ଖାନ ମୁତ୍ତାକି ଗତକାଲି(ଶନିବାର) ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଏଭଳି ଘଡ଼ସନ୍ଧି ମୁହୂର୍ତ୍ତରେ ଆମେ ଆମେରିକାକୁ ଅନୁରୋଧ କରୁଛୁ ଯେ ଅଚଳ କରାଯାଇଛି ବା ସମ୍ପତ୍ତିକୁ ପୁଣିଥରେ ମୁକ୍ତ କରାଯାଉ । ତା’ ସହ ଆଫଗାନିସ୍ତାନ ବ୍ୟାଙ୍କ ଉପରେ ଲଗାଯାଇଥିବା ପ୍ରତିବନ୍ଧକକୁ ଉଠାଯାଉ । ଯାହାଦ୍ୱାରା ଆମେ ଲୋକଙ୍କ ପାଖରେ ସହଯୋଗ ପଠାଇପାରିବୁ।” ଫେବ୍ରୁଆରୀରେ ଆଫଗାନିସ୍ତାନର କେନ୍ଦ୍ରୀୟ ବ୍ୟାଙ୍କର ଅଧା ସମ୍ପତ୍ତି ୭ ବିଲିୟନ ଆମେରିକୀୟ ଡଲାର ଛାଡ଼ କରିବାକୁ ଆମେରିକା ରାଷ୍ଟ୍ରପତି ଜୋ ବାଇଡେନ୍ ଦସ୍ତଖତ କରିଥିଲେ।