କାନବେରା: ଅଷ୍ଟ୍ରେଲିଆ କୁଇନ୍ସଲାଣ୍ଡ ରାଜ୍ୟର ଏକ ଶୂନଶାନ ସ୍ଥାନରେ ଦୁଇଜଣ ପୋଲିସ ଅଧିକାରୀଙ୍କ ସହିତ 6 ଜଣଙ୍କ ମୃତ୍ୟୁ ହୋଇଛି ( australia police officers killed ) । ଜଣେ ନିଖୋଜ ଥିବା ବ୍ୟକ୍ତିଙ୍କୁ ଖୋଜିବା ପାଇଁ ପୋଲିସ ସେହି ସ୍ଥାନକୁ ଯିବା ପରେ ଏହି ଘଟଣା ସାମ୍ନାକୁ ଆସିଛି। ତେବେ ଘଟଣା ପଛର କାରଣ କଣ ତାର ତଦନ୍ତ କରୁଛି ପୋଲିସ ।
ପୋଲିସ ସୂଚନାଅନୁସାରେ, ସେମାନେ ଜଣେ ନିଖୋଜ ବ୍ୟକ୍ତିଙ୍କୁ ଖୋଜିବା ନେଇ ଅନୁସନ୍ଧାନ କରୁଥିଲେ । ପଶ୍ଚିମ ବ୍ରିସବେନ୍ କୁଇନ୍ସଲ୍ୟାଣ୍ଡ ଅଞ୍ଚଳରେ ଦୁଇ ପୋଲିସ ଅଧିକାରୀଙ୍କ ସମେତ 6 ଜଣଙ୍କ ମୃତଦେହ ମିଳିଛି । 3 ଜଣଙ୍କର ପୋଲିସ ଗୁଳିରେ ମୃତ୍ୟୁ ହୋଇଥିବା ଜଣାପଡିଛି । ଘଟଣା ପଛର କାରଣ ଜଣା ପଡିନାହିଁ । 4 ଜଣ କୁଇନ୍ସଲାଣ୍ଡ ପୋଲିସ ଅଧିକାରୀ ସୋମବାର ଅପରାହ୍ଣରେ ଘଟଣାସ୍ଥଳକୁ ଯାଇ ତଦନ୍ତ ଆରମ୍ଭ କରିଛନ୍ତି । ଘଟଣାକୁ ନେଇ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଅନ୍ଥୋନୀ ଆଲବେନ୍ସ ଅଷ୍ଟ୍ରେଲିଆ ପାଇଁ ଏହା ଏଖ ଦୁଃଖଦ ଦିନ ବୋଲି କହିଛନ୍ତି ।