ବୋଗୋଟା:ଦକ୍ଷିଣ ପଶ୍ଚିମ କଲମ୍ବିଆରେ ଭୟଙ୍କର ସଡକ ଦୁର୍ଘଟଣା । କଲମ୍ବିଆର ପାନ-ଆମେରିକା ହାଇୱେ ନିକଟରେ ବସ୍ ଓଲଟି ପଡିବା ଯୋଗୁଁ ୨୦ ଜଣଙ୍କର ମୃତ୍ୟୁ ହୋଇଛି(20 killed in Colombia bus accident) ଏବଂ ୧୫ ଜଣ ଆହତ ହୋଇଛନ୍ତି । ଗତକାଲି(ଶନିବାର) ବସ୍ଟି କଲମ୍ବିଆର ଦକ୍ଷିଣ ପଶ୍ଚିମ କୋଣରେ ସ୍ଥିତ ତୁମାକୋ ବନ୍ଦର ସହର ଏବଂ ଉତ୍ତରପୂର୍ବରେ ୩୨୦ କିଲୋମିଟର ଦୂରରେ ଥିବା କାଲି ମଧ୍ୟରେ ଯାତ୍ରା କରିବା ସମୟରେ ଦୁର୍ଘଟଣାଗ୍ରସ୍ତ ହୋଇଛି । ପୋଲିସ ପକ୍ଷରୁ ଏନେଇ ସୂଚନା ଦିଆଯାଇଛି ।
Road Mishap: ବସ୍ ଓଲଟି ୨୦ ମୃତ, ୧୫ ଆହତ - ଓଲଟିଲା ବସ୍
ଦକ୍ଷିଣ ପଶ୍ଚିମ କଲମ୍ବିଆରେ ବସ୍ ଓଲଟି ୨୦ ମୃତ । ଏଥିରେ ୧୫ ଜଣ ଆହତ ହୋଇଥିବା ସୂଚନା । ଅଧିକ ପଢନ୍ତୁ
Road Mishap: ବସ୍ ଓଲଟି ୨୦ ମୃତ, ୧୫ ଆହତ
ପ୍ରାଥମିକ ତଦନ୍ତରୁ ଜଣାପଡିଛି ଯେ, ବସ୍ଟି ଯାତ୍ରା କରୁଥିବା ସମୟରେ କୁହୁଡି ପଡିଥିଲା । ଯେଉଁ କାରଣରୁ ଡ୍ରାଇଭର ଭାରସାମ୍ୟ ହରାଇଥିଲେ ଏବଂ ଦୁର୍ଘଟଣା ଘଟିଥିଲା । ଫଳରେ ୨୦ ଜଣଙ୍କ ଜୀବନ ଯାଇଥିବା ବେଳେ ଅନେକ ଯାତ୍ରୀ ଆହତ ହୋଇଛନ୍ତି । ଖବର ପାଇ ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ମୃତାହତ ମାନଙ୍କୁ ଉଦ୍ଧାର କରିଛନ୍ତି । ଆହତମାନଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।