ଓ୍ବାଶିଂଟନ: ଆମେରିକା ଉପରେ ପ୍ରକୃତିର କୋପ । ଗତ ଏକ ସପ୍ତାହ ପୂର୍ବେ ଘୂର୍ଣ୍ଣିଝଡ ହୋଇ ୨୦ରୁ ଅଧିକ ଲୋକଙ୍କ ପ୍ରାଣ ଯାଇଥିବା ବେଳେ ଶନିବାର ରାତିରେ ପୁଣି ଏକ ଘୁର୍ଣ୍ଣିଝଡ ହୋଇଥିଲା । ଫଳରେ ବର୍ତ୍ତମାନ ସୁଦ୍ଧା ୨୬ ଜଣଙ୍କ ମୃତ୍ୟୁ ହୋଇଥିବା ବେଳେ ଶତାଧିକ ଆହତ ହୋଇଥିବା ସୂଚନା ମିଳିଛି । ତେବେ ଆମେରିକାର ଦକ୍ଷିଣ ଏବଂ ପଶ୍ଚିମାଞ୍ଚଳର ମଧ୍ୟଭାଗରେ ଏହି ଘୂର୍ଣ୍ଣିଝଡ ହୋଇଥିଲା । ଅନେକ ସ୍ଥାନରେ ଯୋଗାଯୋଗ ବିଚ୍ଛିନ୍ନ ହୋଇଯାଇଥିବା ବେଳେ କୋଠା ମଧ୍ୟ ଭୁଶୁଡି ପଡିଥିଲା । ତେବେ ଏହାକୁ ଦୃଷ୍ଟିରେ ରଖି ଆଗକୁ ମଧ୍ୟ ମୃତ୍ୟୁ ସଂଖ୍ୟା ବୃଦ୍ଧି ହୋଇପାରେ ବୋଲି ଆଶଙ୍କା କରାଯାଉଛି ।
ସୂଚନାଅନୁସାରେ, ଶୁକ୍ରବାର ରାତିରୁ ଏହି ଝଡ ଆରମ୍ଭ ହୋଇଥିବା ବେଳେ ଶନିବାର ଯାଏଁ ତାଣ୍ଡବ ରଚିଥିଲା । ଅତିକମରେ ୮ରୁ ୯ ରାଜ୍ୟରେ ଏହି ଘୂର୍ଣ୍ଣିଝଡ ତାଣ୍ଡବ ରଚି ଘର ବାଡି ସବୁ ଭାଙ୍ଗି ଦେଇଛି । ଅନେକ ସ୍ଥାନରେ ଗଛ ପଡିବା ସହା ରାସ୍ତା ଅବରୋଧ ହୋଇଥିଲା । ଟେନିସି କାଉଣ୍ଟିରେ ଅତି କମରେ ନଅ ଜଣ, ବ୍ୟାନ ଏବଂ ଆକାନସସର ଛୋଟ ସହରରେ ୪ଜଣ, ସୁଲିବନ୍, ଇଣ୍ଡିଆନାରେ ତିନୋଟି ଏବଂ ଇଲିନୋଇସରେ ଚାରି ଜଣ ମୃତ୍ୟୁବରଣ କରିଥିବା ଖବର ସାମ୍ନାକୁ ଆସିଛି । ଅନ୍ୟ ମୃତକମାନେ ଆଲାବାମା ଏବଂ ମିସିସିପିରେ ଲିଟିଲ୍ ରକ୍, ଆରକାନାସର ହୋଇଥିବା ସୂଚନା ରହିଛି ।
ଏହା ମଧ୍ୟ ପଢନ୍ତୁ: International Fact-Checking Day: ଭାରତରେ ମିଥ୍ୟା ଖବର ରୋକିବାକୁ ଗୁଗୁଲ୍ ଆଣୁଛି ନୂଆ ଫିଚର୍ସ
ଏନେଇ ଜଣେ ସରକାରୀ ଅଧିକାରୀ କହିଛନ୍ତି, " ଘୂର୍ଣ୍ଣିବଳୟ ପ୍ରଭାବରେ ପ୍ରାୟ ୨୬୦୦ରୁ ଅଧିକ କୋଠା କ୍ଷତିଗ୍ରସ୍ତ ହୋଇଛି । ଟେନେସିର ମେମ୍ଫିସ୍ ଠାରୁ 50 ମାଇଲ୍ (80 କିଲୋମିଟର) ପଶ୍ଚିମରେ ପ୍ରାୟ 8,000 ଲୋକଙ୍କ ଙର ଭାଙ୍ଗିଯାଇଛି । ଘର ଛାକ ପଡିଯାଇଥିବା ବେଳେ ଝରକା କବାଟ ସବୁ ଭାଙ୍ଗି ଯାଇଛି । ବଡ ବଡ ଗଛ ସବୁ ତଳେ ପଡିଯାଇଛି । ଏହା ବ୍ୟବସାୟ ଉପରେ ମଧ୍ୟ ଅଧିକ ପ୍ରଭାବ ପକାଇଛି ।"
ଘରର ଆସବାବ ପତ୍ର ସବୁ ଛିନଛତ୍ର ହୋଇଯାଇଥିଲା । ଏନେଇ ଆଶ୍ଲି ମ୍ୟାକମିଲାନ କହିଛନ୍ତି, "ଘୂର୍ଣ୍ଣିବଳୟ ସମୟରେ ଆମେ ପୁରା ପରିବାର ପାଇଖାନା ଭିତରେ ରହିଥୁଲୁ ଏବଂ ସମସ୍ତଙ୍କୁ କାନ୍ଦି କାନ୍ଦି ଅଲବିଦା କହୁଥିଲୁ । ଘରର ପୋଷା କୁକୁରକୁ ମଧ୍ୟ ଆମେ ସହ ରଖିଥିଲୁ । କାହିଁକି ନା ଆମେ ଭାବିଥିଲୁ ଆଉ ବଞ୍ଚିବୁନି ବୋଲି । ଗଛ ପଡି ଆମ ଘର ପୁରା ନଷ୍ଟ ହୋଇଯାଇଥିଲା । କିନ୍ତୁ ଭଗବାନଙ୍କ କୃପାରୁ ସୌଭାଗ୍ୟବଶତଃ ବଞ୍ଚିଯାଇଥିଲୁ ।"
ପ୍ରକାଶଥାଉକି, ଗତ ମାର୍ଚ୍ଚ ୨୫ ତାରିଖରେ ଆମେରିକାର ମିସିସିପିରେ ଭୟଙ୍କର ଘୂର୍ଣ୍ଣିଝଡ ହୋଇଥିଲା । ଘୂର୍ଣ୍ଣିଝଡରେ ୨୩ ଲୋକଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
