ହାଇଦ୍ରାବାଦ: ପାକିସ୍ତାନ, ଶ୍ରୀଲଙ୍କା ,ବାଂଲାଦେଶ ପରେ ଏବେ ଉତ୍ତର କୋରିଆରେ ଖାଦ୍ୟ ସଙ୍କଟ ଗୁରୁତର ହେବାରେ ଲାଗିଛି । ଦେଶରେ ବିଭିନ୍ନ ଖାଦ୍ୟ ଦ୍ରବ୍ୟରର ଅଭାବ ବଢିବାରେ ଲାଗିଛି । କୋରୋନା ମହାମାରୀ ପରଠାରୁ ଦେଶରେ ଖାଦ୍ୟଶସ୍ୟର ଅଭାବ ବଢ଼ି ଚାଲିଛି । ଆମେରିକା ଦ୍ବାରା ପ୍ରକାଶିତ ରିପୋର୍ଟ ଅନୁଯାୟୀ ଉତ୍ତର କୋରିଆ ବହୁ ଅଞ୍ଚଳରେ ଖାଦ୍ୟ ଅଭାବରୁ ଲୋକେ ଭୋକରେ ରହୁଛନ୍ତି ।
ମାତ୍ର ଦେଶର ଏକଛତ୍ରବାଦୀ ଶାସକ କିମ୍ ଜଙ୍ଗ ଉନଙ୍କ ବିଶେଷଜ୍ଞମାନେ ଏହି ଆଲୋଚନାକୁ ଖଣ୍ଡନ କରିଛନ୍ତି । ବିଶେଷଜ୍ଞମାନେ କହିଛନ୍ତି ଦେଶରେ ଅକାଳ ବା ଦୁର୍ଭିକ୍ଷ ପରି ପରିସ୍ଥିତି ନାହିଁ । ତେବେ ଖାଦ୍ୟ ସଙ୍କଟ ଦୂର କରିବା ପାଇଁ ଦେଶରେ ଚାଷ ନୀତିରେ ସୁଧାର ଅଣା ଯାଉଛି । ଖାଦ୍ୟ ସଙ୍କଟ ଦୂର କରିବା ପାଇଁ ନୂତନ ଚାଷ ନୀତି ପ୍ରଣୟନ କରାଯିବ । ଯାହା ଫଳରେ ଆମଳ ଦୁଇ ଗୁଣ ବୃଦ୍ଧି ପାଇବ ।
ବିଶେଷଜ୍ଞମାନେ କହିଛନ୍ତି ଦେଶର ଶାସକ କିମ୍ କିମ୍ ଜଙ୍ଗ ଉନ ଅମେରିକାର ଚାପ ଏବଂ ପ୍ରତିବନ୍ଧକ ସତ୍ତ୍ୱେ ଆଣବିକ ଅସ୍ତ୍ର କାର୍ଯ୍ୟକ୍ରମ ଜାରି ରଖିଛି । ଯାହାର ପରିଣାମ ସଦୃଶ୍ୟ ଦେଶରେ ଆର୍ଥିକ ସମସ୍ୟା ଉତ୍ପନ ହେବାରେ ଲାଗିଛି । ସିଓଲର କ୍ୟୁଙ୍ଗନାମ ୟୁନିଭରସିଟିର ଫର ଇଷ୍ଟର୍ନ ଷ୍ଟଡିଜର ପ୍ରଫେସର ଲିମ ଇଲ-ଚୁଲ କହିଛନ୍ତି ଖାଦ୍ୟ ସଙ୍କଟକୁ ଦୂର କରିବା ପରେ ହିଁ ଦେଶରେ ପରମାଣୁ ଶସ୍ତ୍ରର ବିକାଶ କରାଯାଇ ପାରିବ । କାରଣ ଏହା କରିବା ଦ୍ୱାରା କିମ୍ ଜନସାଧାରଣଙ୍କ ସମର୍ଥନ ହରାଇବେ । ଫଳରେ ଏବେ କିମ୍ଙ୍କୁ କ୍ଷମତା ଚ୍ୟୁତ ହେବାର ଚିନ୍ତା ଘାରିଛି।
ଉତ୍ତର କୋରିଆରେ ଖାଦ୍ୟ ସଙ୍କଟର ପ୍ରକୃତ ସ୍ଥିତି ଜାଣିବା କଷ୍ଟକର । ତେବେ ୧୯୯୦ ଠାରୁ କୋରିଆରେ ସଙ୍କଟର ସମ୍ମୁଖୀନ ହୋଇ ଅସୁଛନ୍ତି । ୧୯୯୦ରେ ହୋଇଥିବା ଖାଦ୍ୟ ସଙ୍କଟର ସମୟରେ ଲକ୍ଷ ଲକ୍ଷ ଲୋକଙ୍କର ଅନାହାରରେ ମୃତ୍ୟୁ ଘଟିଥିଲା । ସେବେ ଠାରୁ ଉତ୍ତର କୋରିଆରେ ଖାଦ୍ୟ ସଙ୍କଟ ଦେଖାଦେଇଛି ।
୨୦୧୧ର ଶେଷ ଭାଗରେ କିମ୍ ଦାୟିତ୍ୱ ଗ୍ରହଣ କରିବା ପରେ ତାଙ୍କର ପ୍ରଥମ ଭାଷଣରେ ସେ ଏହି ଅଭାବର ସମାଧାନ କରିବାକୁ ପ୍ରତିଶ୍ରୁତି ଦେଇଥିଲେ । କିମ ଜଙ୍ଗ ଉନଙ୍କ ଶାସନ ଆରମ୍ଭରେ ଅର୍ଥନୀତିରେ ମଧ୍ୟ ଉନ୍ନତି ଘଟିଥିଲା, କିନ୍ତୁ ଆଣବିକ କାର୍ଯ୍ୟକ୍ରମ ଯୋଗୁ ଅନ୍ତର୍ଜାତୀୟ ପ୍ରତିବନ୍ଧକ ଦ୍ୱାରା ସଙ୍କଟ ଆହୁରି ଗୁରୁତର ହୋଇଛି । ତେବେ ଏକ ଆକଳନ ଅନୁଯାୟୀ, ଗତ ବର୍ଷ ଉତ୍ତର କୋରିଆରେ ଉତ୍ପାଦନ ପ୍ରାୟ ୪.୫ ନିୟୁତ ଟନ ଥିଲା । ଯାହା ପୂର୍ବ ବର୍ଷ ତୁଳନାରେ ୩.୮ ପ୍ରତିଶତ ହ୍ରାସ ପାଇଛି ।
