ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପାପୁଆ ନ୍ୟୁଗିନି ସର୍ବୋଚ୍ଚ ନାଗରିକ ସମ୍ମାନ

ପ୍ରଥମ ଭାରତୀୟ ପ୍ରଧାନମନ୍ତ୍ରୀ ଭାବେ ପାପୁଆ ନ୍ୟୁଗିନି ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀଙ୍କୁ ପାପୁଆ ନ୍ୟୁଗିନି ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ କରାଯାଇଛି । ଅଧିକ ପଢନ୍ତୁ

ପୋର୍ଟ ମୋରେସବି: ବିଶ୍ବରେ ଶାନ୍ତି ପ୍ରତିଷ୍ଠା ପାଇଁ ପ୍ରଧାନମନ୍ତ୍ରୀଙ୍କ ନିରବିଚ୍ଛନ୍ନ କାର୍ଯ୍ୟକୁ ପ୍ରଶଂସା ମିଳିଛି । ଭାରତର ଜଣେ ଦକ୍ଷ ଓ ପ୍ରଭାବଶାଳୀ ନେତା ଭାବେ ବିଶ୍ବ ଦରବାରରେ ଏକ ପରିଚୟ ହାସଲ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶଠୁ ନେଇ ବିଶ୍ବରେ ପ୍ରଧାନମନ୍ତ୍ରୀଙ୍କ ଦବଦବା ଦେଖିବାକୁ ମିଳିଛି । ଏ ନେଇ ତାଙ୍କୁ ଅନେକ ଦେଶ ସମ୍ମାନରେ ସମ୍ମାନିତ କରି ସାରିଛନ୍ତି । ଏବେ ଏହି ତାଲିକା ବଢିବାରେ ଲାଗିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପୁପୁଆ ନ୍ୟୁଗିନି ଓ ଫିଜି ଦେଶ ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ କରିଛନ୍ତି ।

ଫିଜି ପକ୍ଷରୁ ପ୍ରଧାନମନ୍ତ୍ରୀଙ୍କୁ "ସାଥୀ ଅଫ୍ ଦି ଅର୍ଡର ଅଫ ଫିଜି''ରେ ସମ୍ମାନିତ କରାଯାଇଥିବାବେଳେ ଆୟୋଜକ ଦେଶ ପପୁଆ ନ୍ୟୁଗିନି ସର୍ବୋଚ୍ଚ ନାଗରିକ ସମ୍ମାନ "The Grand Companion of the Order of Logohu'' ପ୍ରଦାନ କରିଛି । ପପୁଆ ନ୍ୟୁଗିନି ଗଭର୍ଣ୍ଣର ଜେନେରାଲ ସାର ବୋବ ଦାଦାଦି ପ୍ରଧାନମନ୍ତ୍ରୀଙ୍କୁ ଏହି ସମ୍ମାନରେ ସମ୍ମାନିତ କରିଛନ୍ତି । ସେହିପରି ଫିଜି ଦେଶ ପ୍ରଧାନମନ୍ତ୍ରୀ ଷ୍ଟିଟିଭେନି ରିବୁକା ମୋଦିଙ୍କୁ ସାଥୀ ଅଫ୍ ଦି ଅର୍ଡର ଅଫ ଫିଜି''ରେ ସମ୍ମାନିତ କରିଛନ୍ତି ।

ମୋଦିଙ୍କୁ ପାପୁଆ ନ୍ୟୁଗିନି ସର୍ବୋଚ୍ଚ ନାଗରିକ ସମ୍ମାନ

ମେ 19 ତାରିଖରୁ 6 ଦିନିଆ ବିଦେଶ ଗସ୍ତରେ ଥିବା ପ୍ରଧାନମନ୍ତ୍ରୀ ପ୍ରଥମେ ଜାପାନ ଗସ୍ତ କରିଥିଲେ । ଜାପାନର ଟୋକିଓରେ ଜି-7 ଶିଖର ସମ୍ମିଳନୀରେ ଯୋଗ ଦେବା ପରେ ଗତକାଲି(ରବିବାର) ପପୁଆ ନ୍ୟୁଗିନି ଗସ୍ତ କରିଥିଲେ । ଏହା ପରେ ତୃତୀୟ ଫୋରମ ଫର୍‌ ଇଣ୍ଡିଆ ପାସିଫିକ ଆଇଲାଣ୍ଡ କୋଅପରେସନ(ଏଫଆଇପିଆଇସି) ସମିଟରେ ସାମିଲ ହୋଇଥିଲେ ପ୍ରଧାନମନ୍ତ୍ରୀ । ତୃତୀୟ ଭାରତ ପ୍ରଶାନ୍ତ ସମୂହ ସହଯୋଗ ଶିଖର ସମ୍ମିଳନୀକୁ ସମ୍ଭୋଧନ କରିଥିଲେ । ବୈଠକରେ ଜଳବାୟୁ ପରିବର୍ତ୍ତନ, ପ୍ରାକୃତିକ ବିପର୍ଯ୍ୟୟ ଗରିବୀ ଏବଂ ସ୍ବାସ୍ଥ୍ୟ ସମସ୍ୟା ନେଇ ଉପୁଜୁଥିବା ଚ୍ୟାଲେଞ୍ଜ ବିଷୟରେ ଆଲୋଚନା କରିଥିଲେ । ଏହା ସହିତ ତୈଳ,ସାର ଓ ଫାର୍ମା ଆଦି ରପ୍ତାନୀ ଓ ଆମଦାନୀରେ ସୃଷ୍ଟି ହେଉଥିବା ସମସ୍ୟା ବିଷୟରେ ତଥ୍ୟ ରଖିଥିଲେ ପିଏମମ ମୋଦି । ଆସନ୍ତାକାଲି(ମଙ୍ଗଳବାର) ଅଷ୍ଟ୍ରେଲିଆ ଗସ୍ତ କରିବେ । ସେଠାରେ ଭାରତୀୟ ବଂଶୋଦ୍ଭୋବଙ୍କୁ ସମ୍ଭୋଧନ କରିବେ । ମେ' 24ରେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍ଥୋନି ଆଲବାନିଜଙ୍କୁ ଭେଟିବେ । ଏହା ପରେ ମେ 25ରେ ନୂଆଦିଲ୍ଲୀ ଫେରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।