ସିଓଲ: ଜାପାନ ବାୟୁସୀମା ଉପରେ ମିସାଇଲ ଲଞ୍ଚ କରିବାର 24 ଘଣ୍ଟା ନପୁରୁଣୁ ମଧ୍ୟରେ ପୁଣି ମିସାଇଲ ଲଞ୍ଚ କରିଛି ଉତ୍ତର କୋରିଆ । ଦକ୍ଷିଣ କୋରିଆ ସେନା ପକ୍ଷରୁ ହୋଇଥିବା ଦାବି ଅନୁସାରେ ଆଜି ସକାଳେ ଉତ୍ତର କୋରିଆ ଏକ ମଧ୍ୟମ ଦୂରଗାମୀ ବାଲିଷ୍ଟିକ ମିସାଇଲ ସମୁଦ୍ରକୁ ଲଞ୍ଚ କରିଛି (North Korea fires another missile toward sea)। ଗତକାଲି ମଧ୍ୟ ଉତ୍ତର କୋରିଆ ଏକ ମିସାଇଲ ଲଞ୍ଚ କରିଥିବା ବେଳେ ଏହାକୁ ନେଇ ଜାପାନରେ ଭୟର ବାତାବରଣ ଦେଖିବାକୁ ମିଳିଥିଲା । ମିସାଇଲଟି ଜାପାନ ବାୟୁସୀମା ଦେଇ ଅତିକ୍ରମ କରି ସମୁଦ୍ରରେ ପଡିବା ପରେ ଲୋକଙ୍କୁ ସୁରକ୍ଷିତ ସ୍ଥାନରେ ରହିବା ପାଇଁ ସତର୍କ କରାଇଥିଲେ ଜାପାନ ସରକାର । ତାର ମାତ୍ର 24 ଘଣ୍ଟା ନବିତୁଣୁ ପୁଣି ଏକ ମିସାଇଲ ଲଞ୍ଚ କରିଛି ଉତ୍ତର କୋରିଆ ।
ଦକ୍ଷିଣ କୋରିଆ ସେନା ପକ୍ଷରୁ ହୋଇଥିବା ଦାବି ଅନୁସାରେ, ସ୍ଥାନୀୟ ସମୟ ସକାଳ ପ୍ରାୟ 6.01ରୁ 6.23 ମଧ୍ୟରେ ଏହି ମିସାଇଲକୁ ପୋଙ୍ଗୟାଙ୍ଗ ନିକଟବର୍ତ୍ତୀ ସମୁଦ୍ରକୁ ମାଡ କରିଛି ଉତ୍ତର କୋରିଆ । ଗତକାଲି (ବୁଧବାର) ଉତ୍ତର କରିଆ ଲଞ୍ଚ କରିଥିବା ଏକ ମିସାଇଲ ଜାପାନ ବାୟୁସୀମାରେ ଗତି କରି ସମୁଦ୍ରରେ ପଡିଥିଲା (north korea launches missile)। ଯାହକୁ ନେଇ ଜାପାନ ଆପତ୍ତି ଉଠାଇବା ସହ କିଛି ସମ୍ବେଦନଶୀଳ ସ୍ଥାନରେ ହାଇଆଲର୍ଟ ଜାରି କରିଥିଲା ।