ୱାଶିଂଟନ: ଆମେରିକା ରାଷ୍ଟ୍ରଦୂତ ହେଲେ ଭାରତୀୟ ବଂଶୋଦ୍ଭବ ରଚନା ସବସେବ । ଆମେରିକା ରାଷ୍ଟ୍ରପତି ଜୋ ବାଇଡେନ ଭାରତୀୟ ବଂଶୋଦ୍ଭବ ରଚନା ସବସେବ କୋରହୋନେନଙ୍କୁ ମାଲି ପାଇଁ ରାଷ୍ଟ୍ରଦୂତ ନିଯୁକ୍ତ କରିଛନ୍ତି । ଏନେଇ ହ୍ବାଇଟ ହାଉସ ପକ୍ଷରୁ ଘୋଷଣା କରାଯାଇଛି ।
କୌଣସି ଭାରତୀୟ ବଂଶୋଦ୍ଭବଙ୍କୁ ଏଭଳି ନିଯୁକ୍ତି ମିଳିଥିବା ଏହା ତୃତୀୟ । ଆମେରିକା ବିଦେଶ ସେବାରେ ରଚନା ନିଜୟ କ୍ୟାରିୟର ଆରମ୍ଭ କରିଥିଲେ । ସେ ଏବେ ଆମେରିକା ବର୍ହିଃବ୍ୟାପାର ବ୍ୟୁରୋର ନିଅର ଇଷ୍ଟର୍ଣ୍ଣ ଆଫାୟର୍ସ ଏବଂ ବ୍ୟୁରୋ ଅଫ୍ ସାଉଥ ଆଣ୍ଡ ସେଣ୍ଟ୍ରାଲ ଏସିଆନ ଆଫାୟର୍ସର ଗୁରୁତ୍ବପୂର୍ଣ୍ଣ ପଦବୀରେ ଅଛନ୍ତି । ପୂର୍ବରୁ ସେ ସାଉଦି ଆରବର ଧରାନ ସ୍ଥିତ ଆମେରିକା କନସୁଲେଟର କନସଲ ଜେନେରାଲ ଏବଂ ପ୍ରିନ୍ସିପାଲ ଅଫିସର ଥିଲେ । ଏନେଇ ହ୍ବାଇଟ ହାଉସ ପକ୍ଷରୁ କୁହାଯାଇଛି ।