ବ୍ରିଟେନ: ମଧ୍ୟପ୍ରାଚ୍ୟରେ ମହାଯୁଦ୍ଧ ଲାଗି ରହିଛି । 11 ଦିନରେ ପହଞ୍ଚିଛି ହମାସ-ଇସ୍ରାଏଲ ଯୁଦ୍ଧ । ଜୀବନ ବଞ୍ଚାଇବାକୁ ଆର୍ତ୍ତନାଦ ଚିତ୍କାରରେ ଫାଟି ପଡୁଛି ଅଞ୍ଚଳ । ହମାସ-ଇସ୍ରାଏଲ ମହାଯୁଦ୍ଧ ଦିନକୁ ଦିନ ତୀବ୍ର ଓ ଭୟଙ୍କର ହେଉଛି । ମୃତ୍ୟୁସଂଖ୍ୟା ବଢିବାରେ ଲାଗିଛି । ବର୍ତ୍ତମାନ ସୁଦ୍ଧା ଉଭୟ ପକ୍ଷରୁ 5 ହଜାର ଲୋକଙ୍କର ମୃତ୍ୟୁ ହୋଇଛି । ଇସ୍ରାଏଲ ଉପରେ ଆକ୍ରମଣ ବିଶ୍ବକୁ ସ୍ତବ୍ଧ କରିଛି ବୋଲି କହିଛନ୍ତି ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ।
ଇସ୍ରାଏଲ-ହମାସ ବିବାଦକୁ ନେଇ ପାର୍ଲାମେଣ୍ଟରେ ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ କହିଛନ୍ତି, ''ଗତ ସପ୍ତାହରେ ଇସ୍ରାଏଲ ଉପରେ ହୋଇଥିବା ଆକ୍ରମଣ ବିଶ୍ବକୁ ସ୍ତବ୍ଧ କରିଛି । 1,400ରୁ ଅଧିକ ଲୋକଙ୍କ ହତ୍ୟା କରାଯାଇଛି । 3,500ରୁ ଅଧିକ ଲୋକ ଆହତ ହୋଇଛନ୍ତି । 200ରୁ ଅଧିକ ଲୋକଙ୍କୁ ବନ୍ଦୀ କରାଯାଇଛି । ମହିଳା, ଛୋଟ ଛୋର ପିଲା ଓ ବୃଦ୍ଧଙ୍କୁ ହତ୍ୟା କରାଯାଇଛି । ନୀରିହ ଲୋକଙ୍କୁ ଜୀବନ୍ତ ଜାଳି ଦିଆଯାଉଛି । ଏହା ନରସଂହାର । ଆମେ ଇସ୍ରାଇଲ ସହିତ ଅଛୁ । ହତ୍ୟା କରାଯାଇଥିବା ଓ ନିଖୋଜ ଥିବା ଲୋକ ବ୍ରିଟେନ ସମେତ 30 ଦେଶର ହୋଇଥିବା ଜଣାପଡିଛି। ପ୍ରାୟ 6ଜଣ ବ୍ରିଟେନ ନାଗରିକଙ୍କ ମୃତ୍ୟୁ ହୋଇଥିବା ବେଳେ 10ଜଣ ନିଖୋଜ ଅଛନ୍ତି । ଇସ୍ରାଏଲରୁ ଲୋକଙ୍କୁ ଫେରାଇ ଆଣିବାକୁ ଆମେ 8ଟି ବିମାମରେ 500 ଲୋକଙ୍କୁ ଫେରାଇ ଆଣାଯାଇଛି । ଆମେ ଇସ୍ରାଏଲ ସହିତ ରହିଛୁ ରହିବୁ ।''