ତେହେରାନ: ଇରାନରେ ଜାରି ରହିଛି ହିଜାବ ନିଆଁ । ଏହାକୁ ବିରୋଧ କରି ହଜାର ହଜାର ଲୋକ ରାସ୍ତାକୁ ଓହ୍ଲାଇଛନ୍ତି । ହିଜାବକୁ ନେଇ ଇରାନ ସରକାରଙ୍କ ବିରୋଧରେ ସ୍ବର ଉଠାଇଲେ ମିଳୁଛି ଜେଲ ଦଣ୍ଡ । ତେବେ ଏହି ବିକ୍ଷୋଭ ପ୍ରଦର୍ଶନକୁ ସମର୍ଥନ କରି ଗିରଫ ହୋଇଛନ୍ତି ଓସ୍କାର ବିଜୟିନୀ ତଥା ଜଣାଶୁଣା ଅଭିନେତ୍ରୀ ତାରାନେହ ଅଲିଦୁସ୍ତି(Iran Authorities Arrest Actress of Oscar-Winning Movie) । ଶନିବାର ଦିନ ଇରାନୀୟ ସରକାରୀ କର୍ତ୍ତୃପକ୍ଷ ଗିରଫ କରିଥିବା ନେଇ ସ୍ଥାନୀୟ ଗଣମାଧ୍ୟମ ଦ୍ବାରା ସୂଚନା ଦିଆଯାଇଛି ।
ସୂଚନାଅନୁସାରେ, ହିଜାବକୁ ନେଇ ଦେଶବ୍ୟାପୀ ବିକ୍ଷୋଭ ଚାଲିଥିବା ବେଳେ ଜଣକୁ ମୁଣ୍ଡକାଟ ଶାସ୍ତି ମିଳିଥିଲା । ଏହି ଘଟଣାରେ ଶାସ୍ତି ପାଇଥିବା ବ୍ୟକ୍ତିଙ୍କୁ ଇନଷ୍ଟାଗ୍ରାମରେ ସମର୍ଥନ ଜଣାଇଥିଲେ ଏହି ଅଭିନେତ୍ରୀ । ନିଜର ଦାବି ସପକ୍ଷରେ ଉପଯୁକ୍ତ କାଗଜ ପତ୍ର ଦାଖଲ ନକରିପାରିବାରୁ ତାଙ୍କୁ ଗିରଫ କରାଯାଇଥିବା ନେଇ ରାଷ୍ଟ୍ରାୟତ ଗଣମାଧ୍ୟମ ଟେଲିଗ୍ରାମ ଚାନେଲରେ ପ୍ରକାଶ ପାଇଛି । ତେବେ ଏହି ଘଟଣାକୁ ନେଇ ଅନେକ ଖେଳାଳି, ସେଲିବ୍ରେଟିଙ୍କୁ ଗିରଫ କରାଯାଇଛି ବୋଲି ମଧ୍ୟ ସୂଚନା ଦିଆଯାଇଛି ।
ଏହା ମଧ୍ୟପଢନ୍ତୁ: ସମ୍ବଲପୁର କୋର୍ଟରେ ଭଙ୍ଗାରୁଜା ଘଟଣା: ପୁଣି ୩ ଓକିଲ ଗିରଫ