ବଗଦାଦ: ଉତ୍ତର ଇରାକରେ ତୁର୍କୀର ବୋମାମାଡ । ଏଥିରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୨୩ ଜଣ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଜଣେ ବର୍ଷକର ଶିଶୁ ରହିଥିବା ସୂଚନା । ଉତ୍ତର ଇରାକର ଦେହୁକ ଅଞ୍ଚଳରେ ବୋମାମାଡ କରିଛି ତୁର୍କୀ । ଏନେଇ ଗତକାଲି(ବୁଧବାର) ସ୍ଥାନୀୟ ଗଣମାଧ୍ୟମ ପକ୍ଷରୁ ସୂଚନା ଦିଆଯାଇଛି ।
ରାଷ୍ଟ୍ରୀୟ ଗଣମାଧ୍ୟମର ସୂଚନାଅନୁସାରେ, କୁର୍ଦିସ୍ଥାନ ଓ ତୁର୍କୀ ସୀମାରେ ଥିବା ଜାଖୋ ସହରର ଏକ ରିସୋର୍ଟରେ ବୁଧବାର ବୋମାମାଡ ହୋଇଥିଲା । ପ୍ରାଣ ହରାଇଥିବା ସମସ୍ତ ୮ ନାଗରିକ ପର୍ଯ୍ୟଟକ ହୋଇଥିବା ନେଇ ସୂଚନା । କୁର୍ଦିସ୍ଥାନର ସ୍ବାସ୍ଥ୍ୟମନ୍ତ୍ରୀ କହିଛନ୍ତି ଯେ, ହସ୍ପିଟାଲରେ ପହଞ୍ଚିବା ପୂର୍ବରୁ ହିଁ ୮ଜଣଙ୍କର ମୃତ୍ୟୁ ହୋଇସାରିଥିଲା ଏବଂ ୨୩ ଜଣ ଚିକିତ୍ସିତ ହେଉଛନ୍ତି ।