କାବୁଲ: ପୁଣି ଆଫଗାନିସ୍ତାନରେ ଭୂକମ୍ପ ଝଟକା । ଗତକାଲି ବଡ ଧରଣର ଭୂକମ୍ପରେ ଆଫଗାନିସ୍ତାନ ଛାରଖାର ହୋଇଯାଇଥିବା ବେଳେ ଆଜି(ଗୁରବାର) ପୁଣି ଆଫଗାନର ଫାୟାଜାବାଦରେ ଭୂକମ୍ପ ଝଟକା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୪.୪ ହୋଇଥିବା ରେକର୍ଡ କରାଯାଇଛି । ଏନେଇ ନ୍ୟାସନାଲ ସେଣ୍ଟର ଫର ସେସମୋଲୋଜି(National Center for Seismology) ତରଫରୁ ସୂଚନା ଦିଆଯାଇଛି । ଆଜି ସକାଳ ୯ଟା ୨୬ ମିନଟ ସମୟରେ ଏହି ଭୂକମ୍ପ ଝଟକା ଅନୂଭୁତ ହୋଇଥିଲା।
ଏହାର ଅକ୍ଷାଂଶ ୩୬. ୪୯ ଓ ଦ୍ରାଘିମା ୭୦.୭୨ ରହିଥିବା ବେଳେ ଏହି ଭୂକମ୍ପ ଫାୟାଜାବାଦର ଦକ୍ଷିଣ ଦକ୍ଷିଣ ପୂର୍ବ ଠାରୁ ୧୦୬ କିଲୋମିଟର ଦୂରରେ ଏହା ଅନୁଭୂତ ହୋଇଛି । ଭୂକମ୍ପ ବେଳେ ଏହାର ଗଭୀରତା ୧୬୫ କିଲୋମିଟର ରେକର୍ଡ କରାଯାଇଛି । ତେବେ ଭୂକମ୍ପରେ କ୍ଷୟକ୍ଷତି ନେଇ କୌଣସି ସୂଚନା ହସ୍ତଗତ ହୋଇନାହିଁ ।