India vs Canada: କାନାଡାରେ ହିନ୍ଦୁଙ୍କୁ ଧମକ ଘଟଣା, ନିନ୍ଦା କଲେ ବିରୋଧୀ ଦଳ ନେତା

ଭାରତ ଓ କାନାଡା ମଧ୍ୟରେ ବିବାଦ ଦେଖା ଦେଇଛି । କାନାଡାରେ ହିନ୍ଦୁଙ୍କ ଧମକ ଦେବା ଘଟଣାକୁ ନିନ୍ଦା କରିଛନ୍ତି ବିରୋଧୀ ଦଳ ନେତା ପିଆର ପୋଲିଭର । ଅଧିକ ପଢ଼ନ୍ତୁ

ନୂଆଦିଲ୍ଲୀ: ଖଲିସ୍ତାନୀ ଆତଙ୍କୀ ହତ୍ୟା ଘଟଣାରେ ଭାରତ ଓ କନାଡ଼ା ମଧ୍ୟରେ ବିବାଦ ଉପୁଜିଛି । ଦିନକୁ ଦିନ ଦୁଇ ଦେଶ ମଧ୍ୟରେ ତିକ୍ତତା ତୀବ୍ର ଦେବାକୁ ଲାଗିଛି । କାନାଡ଼ାରେ ଆଶ୍ରୟ ନେଇଥିବା ଆତଙ୍କବାଦୀ ନିଜ୍ଜାରର ହତ୍ୟା ପଛରେ ଭାରତର ହାତ ଥିବା କାନାଡ଼ା ସରକାର ଅଭିଯୋଗ କରିବା ପରେ ଦୁଇ ଦେଶ ମଧ୍ୟରେ ବିବାଦ ଦେଖା ଦେଇଛି । ଏହାରି ଭିତରେ କାନାଡ଼ାରେ ରହୁଥିବା ଦିନ୍ଦୁଙ୍କୁ ଧମକ ଏବଂ ତାଙ୍କୁ କାନାଡ଼ା ଛାଡିବାକୁ କୁହାଯାଉଥିବାର ଏକ ଭିଡିଓ ଭାଇରାଲ ହେଉଛି । ଯାହାକୁ ନେଇ ସ୍ଥିତି ଆହରି ଅଧିକ ସରଗରମ ହୋଇଛି । ଏହାକୁ ନେଇ ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ସହିତ ବିପକ୍ଷ ନେତାଙ୍କ ବିରୋଧର ବି ସାମ୍ନା କରିବାରୁ ପଡ଼ିଛି ।

କାନାଡ଼ା ବିରୋଧୀ ଦଳ ନେତା ପିଆର ପୋଲିଇଭର କାନାଡ଼ାରେ ହିନ୍ଦୁଙ୍କୁ ଦିଆଯାଉଥିବା ଧମକ ଘଟଣାକୁ ନିନ୍ଦା କରିଛନ୍ତି । ସେ କହିଛନ୍ତି, କାନାଡାର ପ୍ରତି ଭାଗରେ ହିନ୍ଦୁଙ୍କ ଗୁରୁତ୍ବପୂର୍ଣ୍ଣ ଅବଦାନ ରହିଛି । ଏଠାରେ ହିନ୍ଦୁ ସମ୍ପ୍ରଦାୟଙ୍କୁ ସର୍ବଦା ସ୍ବାଗତ କରାଯିବ । ପ୍ରତି କାନାଡାବାସୀ ଦେଶରେ ନିର୍ଭୟର ସହ ବଞ୍ଚିବା ଦରକାର ।'' କାନାଡାରେ ରହୁଥିବା ହିନ୍ଦୁଙ୍କୁ ଧମକ ଏବଂ ତାଙ୍କୁ କାନାଡା ଛାଡିବାକୁ କୁହାଯାଉଥିବାର ଏକ ଭିଡିଓ ଭାଇରାଲ ହେବା ପରେ ଏହା କହିଛନ୍ତି କାନାଡା ବିରୋଧୀ ଦଳ ନେତା ପିଆର ପୋଲିଭର ।

ସୋସିଆଲ ମିଡିଆ ଏକ୍ସ ଜରିଆରେ ସେ ଆହୁରି କହିଛନ୍ତି, ପ୍ରତି କାନାଡିଆନ ନିର୍ଭୟର ସହ ବଞ୍ଚିବା ଦରକାର । ନିକଟରେ ଆମେ କିଛି ଭିଡିଓ ଦେଖିଛୁ ଯେଉଁଥିରେ କାନାଡାରେ ରହୁଥିବା ହିନ୍ଦୁଙ୍କ ଧମକ ଦେବା ସହିତ କାନାଡା ଛାଡିବାକୁ କୁହାଯାଉଛି । ମୁଁ ଏହାକୁ ନିନ୍ଦା କରୁଛି । ଆମ ଦେଶରେ ହିନ୍ଦୁଙ୍କର ଯଥେଷ୍ଟ ଅବଦାନ ରହିଛି । ତାଙ୍କୁ ସର୍ବଦା ସ୍ୱାଗତ କରାଯିବ ।''

ପ୍ରକାଶ ଥାଉ କି, ଗତ ସେପ୍ଟେମ୍ବର 19 ତାରିଖରେ ଖଲିସ୍ତାନୀ ଆତଙ୍କୀ ହରଦୀପ ସିଂ ନିଜ୍ଜର ହତ୍ୟା ପଛରେ ଭାରତୀୟ ଏଜେଣ୍ଟଙ୍କ ହାତ ଥିବା ଅଭିଯୋଗ ଆଣିଥିଲେ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ । ଏହି ଅଭିଯୋଗ ପରେ କାନାଡା ସରକାର ପ୍ରଥମେ ଭାରତୀୟ କୂଚନୈତିଜ୍ଞଙ୍କୁ ବହିଷ୍କାର କରିଥିଲେ । ଏହାକୁ ନେଇ ଦୁଇ ଦେଶ ମଧ୍ୟରେ ତିକ୍ତତା ସୃଷ୍ଟି ହୋଇଥିଲା । ଜଷ୍ଟିନ ଟ୍ରୁଡୋଙ୍କ ଅଭିଯୋଗକୁ ଖଣ୍ଡନ କରିବା ସହ ଏହାର କଡା ଜବାବ ଦେଇ ଭାରତ କାନାଡା କୂଟନୈତିଜ୍ଞ କାମରେନ ମାକେଙ୍କୁ ବହିଷ୍କାର କରିଥିଲେ । କଥା ସେତିକିରେ ସରି ନଥିଲା ଏହା ଭାରତ ଆସୁଥିବା କାନାଡା ନାଗରିକଙ୍କ ପାଇଁ ନୂଆ ଟ୍ରାଭେଲ ଆଡଭାଇଜୀ ଜାରି କରିଥିଲେ କନାଡା ସରକାର । ଭାରତ ମଧ୍ୟ ନାର ନିଜ ନାଗରିକଙ୍କୁ କାନାଡ ଯାତ୍ରା ସମୟରେ ସତର୍କ ରହିବାକୁ ପରାମର୍ଶ ଦେଇଥିଲା ।