ଚଣ୍ଡିଗଡ: କାନାଡାର ମୋଷ୍ଟଓ୍ବାଣ୍ଟେଡ ଲିଷ୍ଟରେ ଭାରତୀୟ ବଂଶୋଦ୍ଭବ । ବ୍ରିଟିଶ କଲମ୍ବିଆର ଜଏଣ୍ଟ ଫୋର୍ସ ସ୍ପେଶାଲ ଏନଫୋର୍ସମେଣ୍ଟ ୟୁନିଟ୍ ଦ୍ୱାରା ମୋଷ୍ଟଓ୍ବାଣ୍ଟେଡ ତାଲିକା ପ୍ରକାଶ ପାଇଛି । ଯେଉଁଥିରେ 11 ଜଣ ମୋଷ୍ଟଓ୍ବାଣ୍ଟେଡ ନାମ ରହିଥିବା ବେଳେ ସେଥି ମଧ୍ୟରୁ ୯ ଜଣ ପଞ୍ଜାବି ରହିଥିବା ଜଣାପଡିଛି । ଏ ନେଇ ଟ୍ବିଟ କରି ସୂଚନା ପ୍ରଦାନ କରାଯାଇଛି ।
ବ୍ରିଟିଶ କଲମ୍ବିଆର ଜଏଣ୍ଟ ଫୋର୍ସ ସ୍ପେଶାଲ ଏନଫୋର୍ସମେଣ୍ଟ ୟୁନିଟ୍ ଏକ ଟ୍ୱିଟ୍ରେ କହିଛି ଯେ, ''ଏହା ଭାନକୋଭର ପିଡି ସହଭାଗିତାରେ ଏକ ଜନ ସୁରକ୍ଷା ଆଲର୍ଟ ଜାରି କରାଯାଇଛି । BCRCMP 11 ଜଣ ବ୍ୟକ୍ତିଙ୍କୁ ଚିହ୍ନଟ କରିଛି ଯେଉଁମାନେ କି ସାମୁହିକ ସଂଘର୍ଷ ଓ ହିଂସାରେ ଜଡିତ ରହି ଜନସାଧାରଣଙ୍କ ସୁରକ୍ଷା ପ୍ରତି ବଡ଼ ବିପଦ ସୃଷ୍ଟି କରିଛନ୍ତି । ଏହା ମଧ୍ୟ କୁହାଯାଉଛି ଯେ, ଏହି ସମସ୍ତ ମୋଷ୍ଟଓ୍ବାଣ୍ଟେଡ ଲୋୟର ମେନଲ୍ୟାଣ୍ଡ ଗ୍ୟାଙ୍ଗ ଯୁଦ୍ଧ ସହ ଜଡିତ'' ।