ୱାଶିଂଟନ:ଆସନ୍ତା ମାସରେ ଟୋକିଓରେ ଅନୁଷ୍ଠିତ ହେବାକୁ ଯାଉଛି କ୍ବାଡ ସମ୍ମିଳନୀ । ଏ ନେଇ ଦକ୍ଷିଣ କୋରିଆ ଓ ଜାପାନ ଗସ୍ତ ପାଇଁ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ପ୍ରସ୍ତୁତି ଶେଷ ହୋଇଛି । ଏହି ଗସ୍ତରେ ବାଇଡେନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିବା ନେଇ ହ୍ବାଇଟ ହାଉସ ପକ୍ଷରୁ ସୂଚନା ମିଳିଛି । ମଇ 20ରୁ24 ମଧ୍ୟ ଦକ୍ଷିଣ କୋରିଆ ଓ ଜାପାନ ଗସ୍ତ କରିବେ ବାଇଡେନ ।
ହ୍ବାଇଟ ହାଉସ ସଚିବ ଜେନ ପାସାକି ସୂଚନା ଦେଇ କହିଛନ୍ତି, ଏହି ଗସ୍ତ ବାଇଡେନ-ହାରିସ ପ୍ରଶାସନର ଏକ ମୁକ୍ତ ଇଣ୍ଡୋ-ପ୍ରଶାନ୍ତ ମହାସାଗରରେ ଥିବା ଦୃଢତା ପ୍ରତିବଦ୍ଧତାକୁ ଆଗକୁ ନେବ । ଏହା ସହିତ ଦକ୍ଷିଣ କୋରିଆ ରାଷ୍ଟ୍ରପତି ୟୋନ୍ ସୁକ୍ ୟୋଲ୍ ଏବଂ ଜାପାନ ପ୍ରଧାନମନ୍ତ୍ରୀ କିଶିଡା ଫୁମିଓଙ୍କ ସହ ଦ୍ବିପାକ୍ଷିକ ବୈଠକ କରିବେ ବାଇଡେନ ।