ୱାଶିଂଟନ:ଆଜି ପୁଣି ସ୍ଥଗିତ ରହିଲା ଆମେରିକାର ଚନ୍ଦ୍ର ମିଶନ NASA Artemis I moon mission ର ଉତକ୍ଷେପଣ । ପୂର୍ବରୁ ଏକାଧିକ ଥର ବୈଷୟିକ ତ୍ରୁଟି କାରଣରୁ ଏହାର ଲଞ୍ଚକୁ ସ୍ଥଗିତ ରଖାଯିବା ପରେ ଆଜି ଏହାକୁ ଉତକ୍ଷେପଣ କରିବାକୁ ସମୟ ଧାର୍ଯ୍ୟ କରାଯାଇଥିଲା । ତେବେ ଆଜି ମଧ୍ୟ ଶେଷ ମୁହୂର୍ତ୍ତରେ କିଛି ବୈଷୟିକ ତ୍ରୁଟି ସମ୍ନାକୁ ଆସିବା ପରେ ଏହି ବହୁ ପ୍ରତୀକ୍ଷିତ ରକେଟ ଉତକ୍ଷେପଣକୁ ସ୍ଥଗିତ ରଖାଯାଇଥିବା ନାସା ପକ୍ଷରୁ ଟ୍ବିଟ କରି ସୂଚନା ଦିଆଯାଇଛି ।
ଶେଷ ମୁହୂର୍ତ୍ତରେ ବୈଷୟିକ ତ୍ରୁଟି ସାମ୍ନାକୁ ଆସିବା ପରେ ଉତକ୍ଷେପଣକୁ ସ୍ଥଗିତ କରାଯାଇଛି (NASA postpones launch of Artemis I moon mission ) । ମିଶନ ସ୍ଥଗିତ ହେବା ପରେ ବିଶେଷଜ୍ଞ ଟିମ ରକେଟର ସୂଚନା ଏକତ୍ରୀକରଣ କାର୍ଯ୍ୟ ଜାରି ରଖିଛନ୍ତି । ଚନ୍ଦ୍ରକୁ ଏହି ମାନବବିହୀନ ଉଡ଼ାଣ ମିଶନରେ ଅଂଶବିଶେଷ ଏହି କାର୍ଯ୍ୟକ୍ରମ ଜାରି ରଖଛି ଆମେରିକୀୟ ମହାକାଶ ଗବେଷଣା ସଂସ୍ଥା NASA । ଏହି ଉତକ୍ଷେପଣ ଆମେରିକାର ଫ୍ଲୋରିଡା ସ୍ଥିତ ଜେ.ଏଫ କେନେଡି ସ୍ପେସ୍ ସେଣ୍ଟରରୁ ହେବାର ଥିଲା ।