ପୋର୍ଟଲ୍ୟାଣ୍ଡ: ଯାତ୍ରୀଙ୍କୁ ନେଇ ଗନ୍ତବ୍ୟସ୍ଥଳ ଆଡକୁ ଉଡାଣ ଭରିଥିଲା ବିମାନ । ହେଲେ ହଠାତ୍ ମଝି ଆକାଶରେ ଉଡିଗଲା ବିମାନର ଝରକା, ଭାଙ୍ଗିଗଲା କବାଟ । ଫଳରେ ଜରୁରୀ ଅବତରଣ କରିଲା ଅଲାସ୍କା ଏୟାରଲାଇନ୍ସ ବିମାନ । ତେବେ ବିମାନରେ 174 ଜଣ ଯାତ୍ରୀଙ୍କ ସମେତ 6 ଜଣ କ୍ରୁ ମେମ୍ବର ରହିଥିବା ବେଳେ ସୌଭାଗ୍ୟବଶତଃ କାହାର କୌଣସି କ୍ଷତି ହୋଇନାହିଁ । ବିମାନର ଝରକା, କବାଟ ଉଡିବା ସମୟର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ତେବେ ଉକ୍ତ ବିମାନ ପୋର୍ଟଲ୍ୟାଣ୍ଡ ଅନ୍ତର୍ଜାତୀୟ ବିମାନ ବନ୍ଦରରେ ଜରୁରୀ ଅବତରଣ କରିଥିଲା ।
ଏହି ଘଟଣାକୁ ନେଇ ଅଲାସ୍କା ଏୟାରଲାଇନ୍ସ ପକ୍ଷରୁ କୁହାଯାଇଛି, "ଗୁରୁବାର ଦିନ ଓରେଗନ ପୋର୍ଟଲ୍ୟାଣ୍ଡରୁ କାର୍ଲିଫର୍ଣ୍ଣିଆର ଓଣ୍ଟାରିଓ ଅଭିମୁଖେ ଉଡାଣ ଭରିଥିଲା ୧୨୮୨ ଅଲସ୍କା ଏୟାରଲାଇନ୍ସ ବିମାନ । ଅପରାହ୍ନ 4ଟା 52 ମିନିଟରେ ଉଡାଣ ଭରିଥିବା ବେଳେ 5ଟା 30 ମିନିଟରେ ଜରୁରୀ ଅବତରଣ କରିଥିଲା । ତେବେ ଉଡାଣ ଭରିବାର ମାତ୍ର କିଛି ସମୟ ପରେ ହିଁ ବିମାନରେ ଏଭଳି ଅଘଟଣ ଦେଖାଯାଇଥିଲା । ଉକ୍ତ ବିମାନରେ 174 ଜଣ ଯାତ୍ରୀଙ୍କ ସହିତ 6 ଜଣ କ୍ରୁ ସଦସ୍ୟ ରହିଥିଲେ । କିନ୍ତୁ ଏହି ଘଟଣାରେ କାହାର କୌଣସି କ୍ଷତି ହୋଇନାହିଁ । ସଙ୍ଗେ ସଙ୍ଗେ ପୋର୍ଟଲ୍ୟାଣ୍ଡ ଅନ୍ତର୍ଜାତୀୟ ବିମାନ ବନ୍ଦରରେ ଅଲାସ୍କା ଏୟାରଲାଇନ୍ସକୁ ଜରୁରୀ ଅବତରଣ କରାଯାଇଥିଲା । ଏହି ଘଟଣାର ତଦନ୍ତ ଜାରି ରହିଛି। "
ଏହା ମଧ୍ୟ ପଢନ୍ତୁ: ମଝି ଆକାଶରେ ଚାଲିଗଲା ଯାତ୍ରୀଙ୍କ ଜୀବନ, ବାରଣାସୀରେ ସ୍ପାଇସଜେଟ ବିମାନର ଜରୁରୀ ଅବତରଣ