ରିୟାଧ:ଦେଶରେ କାୟା ମେଲାଇଛି କୋରୋନା । ମହାମାରୀର ପ୍ରକୋପ ଥିବାରୁ ବିଭିନ୍ନ ପ୍ରକାର କାର୍ଯ୍ୟକ୍ରମକୁ ବାତିଲ କରାଯାଉ ଥିବା ବେଳେ ଆଉ କେତେକ କାର୍ଯ୍ୟକ୍ରମକୁ ସୀମିତ ଲୋକଙ୍କୁ ନେଇ କେବଳେ ରିତିନୀତି ରକ୍ଷା ପାଇଁ କରାଯାଉଛି । କିନ୍ତୁ ମହାମାରୀ ଭିତରେ ସାଉଦି ଆରବ ସରକାର ଏକ ବଡ ଘୋଷଣା କରିଛନ୍ତି । ମୁସଲିମ ଧର୍ମାବଲମ୍ବୀମାନେ ହଜ ଯାତ୍ରା କରିବାକୁ ଅନୁମତି ଦେଇଛନ୍ତି ।
ଏନେଇ ସାଉଦି ସ୍ବାସ୍ଥ୍ୟମନ୍ତ୍ରୀ ତଫିକ ଆଲ ରବିଆ ପ୍ରତିକ୍ରିୟା ରଖିଛନ୍ତି । ମୁସଲାମ ଧର୍ମର ପବିତ୍ର ଧାର୍ମିକସ୍ଥଳୀ ସାଉଦି ଆରବରେ ଜମିବ ଶ୍ରଦ୍ଧାଳୁଙ୍କ ଭିଡ । ସଂକ୍ରମଣକୁ ଦୃଷ୍ଟିରେ ରଖି ଏ-ନେଇ ଧାର୍ମିକ ସ୍ଥଳୀରେ ସମସ୍ତ ପ୍ରକାର ସତର୍କତା ମୂଳକ ପଦକ୍ଷେପ ଗ୍ରହଣ କରାଯାଇଛି । ଆମ୍ବୁଲାନ୍ସ ସହିତ ଏକ ଡାକ୍ତରୀ ଟିମ ମଧ୍ୟ ସେଠାରେ ରହିବେ । ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ, ଏହି ହଜ୍ ଯାତ୍ରାରେ କେବଳ ସ୍ଥାନୀୟ ତୀର୍ଥଯାତ୍ରୀଙ୍କୁ ଯାତ୍ରା କରିବାକୁ ଅନୁମତି ରହିଛି । 60,000 ତୀର୍ଥଯାତ୍ରୀ ହଜ ଯାତ୍ରା କରିପାରିବେ । ଲଗାତାର ଦ୍ବିତୀୟ ବର୍ଷ ପାଇଁ ସାଉଦି ଆରବରେ କେବଳ ସ୍ଥାନୀୟ ତୀର୍ଥଯାତ୍ରୀମାନଙ୍କୁ କୋଭିଡ କଟକମା ମଧ୍ୟରେ ହଜ ଯାତ୍ରା କରିବାକୁ ଅନୁମତି ଦିଆଯାଇଛି ।