ଆବୁଧାବିରେ କୋରୋନାରେ ପ୍ରାଣ ହରାଇଲେ ଭାରତୀୟ ଶିକ୍ଷକ

ଆବୁଧାବିରେ ଜଣେ ଭାରତୀୟ ଶିକ୍ଷକଙ୍କ କୋରୋନା ଭାଇରସରେ ମୃତ୍ୟୁ ଘଟିଛି । 50 ବର୍ଷିୟ ଅନିଲ କୁମାର ମେ 24 (ରବିବାର) କୋରୋନାରେ ପ୍ରାଣ ହରାଇଛନ୍ତି ।

ଆବୁଧାବି: ସାରା ବିଶ୍ବରେ କୋରୋନା ସଙ୍କଟ ଜାରି ରହିଛି । ଦିନକୁ ଦିନ ସଂକ୍ରମଣ ଓ ମୃତକଙ୍କ ସଂଖ୍ୟା ବଢିବାରେ ଲାଗୁଛି । ଏପରିସ୍ଥଳେ ଆବୁଧାବିରେ ଜଣେ ଭାରତୀୟ ଶିକ୍ଷକଙ୍କ କୋରୋନାଭାଇରସରେ ମୃତ୍ୟୁ ଘଟିଛି । 50 ବର୍ଷିୟ ଅନିଲ କୁମାର ମେ 24 (ରବିବାର) କୋରୋନାରେ ପ୍ରାଣ ହରାଇଛନ୍ତି ।

ଗଲ୍ଫ ନ୍ୟୁଜ ପକ୍ଷରୁ ଆସିଥିବା ଏକ ସରକାରୀ ବିବୃତ୍ତି ଅନୁଯାୟୀ ଅନିଲ କୁମାର ଆବୁଧାବିର ସନରାଇଜ ବିଦ୍ୟାଳୟର ଜଣେ ବରିଷ୍ଠ ହିନ୍ଦୀ ଶିକ୍ଷକ ଥିଲେ ।

ବିବୃତ୍ତିରେ କୁହାଯାଇଛି ଯେ ଅନିଲ କୁମାରଙ୍କ ପତ୍ନୀ ଏବଂ ଦୁଇ ପିଲା ଅଛନ୍ତି । ତାଙ୍କ ପତ୍ନୀ ରଜନୀ ମଧ୍ୟ ସ୍କୁଲରେ ଶିକ୍ଷାଦାନ କରୁଛନ୍ତି । ସେ ଗଣିତ ବିଭାଗର ଅଧ୍ୟାପିକ ବୋଲି କୁହାଯାଇଛି ।

ଅନିଲ କୁମାର କୋଭିଡ -19 ରେ ଅସୁସ୍ଥ ହୋଇ ମେ 7 ତାରିଖରୁ ଡାକ୍ତରଖାନାରେ ଭର୍ତ୍ତି ହୋଇଥିଲେ ।

@IANS