କାଇରୋ: ଇଜିପ୍ଟ ଶାସନ ଗାଦିରେ ଦୀର୍ଘ ତିନି ଦଶନ୍ଧି ଧରି ଆଧିପତ୍ୟ ବିସ୍ତାର କରିଥିବା ପୂର୍ବତନ ରାଷ୍ଟ୍ରପତି ହୋସନି ମୁବାରକଙ୍କ ମଙ୍ଗଳବାର 91 ବର୍ଷ ବୟସରେ ଦେହାନ୍ତ ହୋଇଛି । ମଧ୍ୟପ୍ରାଚ୍ୟରେ ସ୍ଥାୟିତ୍ବ ଓ ସ୍ଥିରତାର ପ୍ରମୁଖ ଚେହେରା ଭାବରେ ପରିଗଣିତ ଥିଲେ ହୋସନି ମୁବାରକ ।
ହୋସନି ମୁବାରକ ଦେଶରେ 18 ଦିନ ଧରି ବିରୋଧ ପ୍ରଦର୍ଶନ ପରେ 11 ଫେବୃଆରୀ 2011ରେ ପଦରୁ ଇସ୍ତଫା ଦେଇଥିଲେ । ସେ ଆରବରେ ଲୋକତାନ୍ତ୍ରିକ ସମର୍ଥକଙ୍କ ପ୍ରଦର୍ଶନ କାରଣରୁ ସତ୍ତା ଛାଡିବାକୁ ବାଧ୍ୟ ହୋଇଥିଲେ । ପରେ ସେ ଅଜ୍ଞାତବାସରେ ରହିଥିଲେ ।
ହୋସନି ମୁବାରକ ନିଜ ଶାସନର ଦୀର୍ଘ 30 ବର୍ଷ କାଳ ମଧ୍ୟରେ ଇଜିପ୍ଟ ସହ ଆମେରିକାର ବନ୍ଧୁତ୍ବର ସୁଦୃଢତା ପାଇଁ ପରିଚିତ ରହିଥିଲେ । ଏହାସହ ଇସଲାମିକ ଆତଙ୍କବାଦୀ ବିରୋଧରେ ଲଢେଇକୁ ସେ ସର୍ବଦା ଆଗରେ ରହୁଥିଲେ ।