ବାଗଦାଦ: ଉତ୍ତର ଇରାକ ସହରରେ ଥିବା ଆମେରିକାର ଦୂତାବାସ ନିକଟରେ ଅବସ୍ଥିତ ଆର୍ବିଲ ଅନ୍ତର୍ଜାତୀୟ ବିମାନବନ୍ଦର ଉପରେ ଡ୍ରୋନ ଆକ୍ରମଣ । କୁର୍ଦ୍ଦିସ ସୁରକ୍ଷା ବାହିନୀ ଶନିବାର ଏନେଇ ସୂଚନା ଦେଇଛି । ଦୁଇଟି ସଶସ୍ତ୍ର ଡ୍ରୋନ୍ ଦ୍ୱାରା ଏହି ଆକ୍ରମଣ କରାଯାଇଛି । ଏଥିରେ କୌଣସି କ୍ଷୟକ୍ଷତି ହୋଇନଥିବା ପ୍ରାଥମିକ ସୂଚନାରୁ ଜଣାପଡିଛି ।
ଜିହାଦୀ ବିରୋଧୀ ସୈନ୍ୟମାନଙ୍କ ଏକ ମିଳିତ ବାହିନୀର ନିର୍ଦ୍ଦେଶକ ଅହମ୍ମଦ ହୋଚିଆର୍ ମଧ୍ୟ କୌଣସି କ୍ଷୟକ୍ଷତି ହୋଇନଥିବା କହିଛନ୍ତି । ଆଜି(ରବିବାର) ସକାଳେ ଜଣେ AFP ସମ୍ବାଦଦାତା ଖୁବଜୋରରେ ଦୁଇଟି ବିସ୍ଫୋରଣ ଶୁଣିବାକୁ ପାଇଥିଲେ । ଏହାପରେ ଆକାଶରେ କଳା ଧୂଆଁ ବ୍ୟାପିଯିବା ସହ ଆମେରିକାର ଦୂତାବାସ ଚାରିପାଖରେ ସାଇରନ୍ ବାଜୁଥିବା ଶୁଣିବାକୁ ପାଇଥିଲେ ।