ଜେନିଭା: ସଙ୍ଗରୋଧରେ ଡବ୍ୟୁଏଚଓ ମୁଖ୍ୟ ଟେଡ୍ରୋସ ଗ୍ରେବିୟସ । ସାରା ବିଶ୍ବକୁ କୋରୋନା ସଂକ୍ରମଣ ନେଇ ସଚେତନ କରୁଥିବା ବିଶ୍ବସ୍ବାସ୍ଥ୍ୟ ସଙ୍ଗଠନର ମୁଖ୍ୟ ଏବେ ସେଲ୍ଫ ଆଇସୋଲେସନରେ। ରବିବାର ଏନେଇ ସେ ଟ୍ବିଟ କରି ସୂଚନା ଦେଇଛନ୍ତି ।
ସାରା ବିଶ୍ବରେ ମହାମାରୀ କୋରୋନାର ତାଣ୍ଡବରେ ଅତିଷ୍ଠ ହୋଇପଡିଛି । ୟୁରୋପରେ ପୁଣି ଥରେ ମହାମାରୀର ଦ୍ବିତୀୟ ଲହରୀ ଆରମ୍ଭ ହୋଇଯାଇଛି । ଏଥିରୁ ବର୍ତ୍ତି ନାହାଁନ୍ତି ବିଶ୍ବସ୍ବାସ୍ଥ୍ୟ ସଙ୍ଗଠନର ମୁଖ୍ୟ । କୋଭିଡ ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସି ଟେଡ୍ରୋସ ନିଜର ସଙ୍ଗରୋଧ କରିନେଇଛନ୍ତି । ତାଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି ଏବଂ କୋରୋନାର କୌଣସି ଲକ୍ଷଣ ଦେଖାଯାଇନାହିଁ ।