ପ୍ୟାରିସ: ବିଶ୍ବ ପ୍ରସିଦ୍ଧ ଆଇଫିଲ ଟାୱାରରେ ବୋମା ଥିବା ନେଇ ଧମକପୂର୍ଣ୍ଣ ଫୋନ କଲ୍ । ଏହି ଧମକପୂର୍ଣ୍ଣ ଫୋନ କଲ୍ ପରେ ଆଇଫିଲ ଟାୱାରକୁ ଖାଲି କରାଯିବା ସହ ଏହାର ଆଖାପାଖ ଅଞ୍ଚଳରେ ଲୋକଙ୍କ ଯାତାୟାତ ଉପରେ ରୋକ ଲଗାଇଛି ପ୍ୟାରିସ ପୋଲିସ ।
ବୁଧବାର ସକାଳେ ଜଣେ ଅଜ୍ଞାତ ବ୍ୟକ୍ତି ପୋଲିସକୁ ଫୋନ୍ କରି ଟାୱାର ଭିତରେ ଏକ ବୋମା ରଖାଯାଇଥିବା କହିଥିଲା । ପରେ ଟାୱାର ଭିତରେ ଥିବା ସମସ୍ତ ପର୍ଯ୍ୟଟକଙ୍କୁ ଅଞ୍ଚଳ ଖାଲି କରାଇବାକୁ ନିର୍ଦ୍ଦେଶ ଦିଆଯାଇଥିଲା ।