ନୂଆବର୍ଷକୁ ସ୍ବାଗତ କଲା ନ୍ୟୁଜିଲାଣ୍ଡ, 1 ଲକ୍ଷ ଆତସବାଜିରେ ଝଲସିଲା ସିଡନି

ନ୍ୟୁଜିଲାଣ୍ଡର ଅକଲାଣ୍ଡ ସହର ସର୍ବପ୍ରଥମେ ସ୍ବାଗତ କଲା ନବବର୍ଷ 2020କୁ । ଅଷ୍ଟ୍ରେଲିଆ ସିଡନିରେ ମଧ୍ୟ ଆରମ୍ଭ ହେଲା ସେଲିବ୍ରେସନ । ଅଧିକ ପଢ଼ନ୍ତୁ...

ହାଇଦ୍ରାବାଦ: ଭାରତରେ ନୂତନ ବର୍ଷ ଆସିବା ପାଇଁ ଆଉ ଅଳ୍ପ କିଛି ଘଣ୍ଟା ବାକିଥିବା ବେଳେ ନ୍ୟୁଜିଲାଣ୍ଡର ଅକଲାଣ୍ଡ ସହର ନୂତନ ବର୍ଷକୁ ସ୍ବାଗତ କରିବାରେ ପ୍ରଥମ ସହର ହୋଇଛି । ସେପଟେ ଅଷ୍ଟ୍ରେଲିଆର ସିଡନିରେ ମଧ୍ୟ ପଦାର୍ପଣ କରିଛି ନୂତନ ବର୍ଷ 2020 ।

ଝିଲମିଲ ଆଲୋକ ମାଳାରେ ଝଲସି ଉଠିଛି ସାରା ସହର । ଆତସବାଜି ସହ ଅକଲାଣ୍ଡରେ ନୂଆବର୍ଷକୁ ସ୍ବାଗତ କରାଯାଇଛି । ସୂଚନା ଯୋଗ୍ୟ ଯେ ପ୍ରତିବର୍ଷ ନ୍ୟୁଜିଲାଣ୍ଡ ହିଁ ନୂତନ ବର୍ଷକୁ ପ୍ରଥମେ ସ୍ବାଗତ କରିଥାଏ । ସେଠାକାର ସମୟ ଭାରତୀୟ ସମୟ ଠାରୁ 7 ଘଣ୍ଟା 30 ମିନିଟ ଆଗୁଆ ଥାଏ ।

ସିଡନିରେ ସେଲିବ୍ରେସନ

ନୂତନ ବର୍ଷର ଆଗମନରେ ଅକଲାଣ୍ଡ ସହରର ସ୍କାଏ ଟାୱାରର ଦୃଶ୍ୟ ଖୁବ ସୁନ୍ଦର ହୋଇଥାଏ । ବେଶ ଉତ୍ସାହର ସହ ନୂଆବର୍ଷକୁ ପାଳନ କରନ୍ତି ଲୋକେ ।

ସେପଟେ ଅଷ୍ଟ୍ରେଲିଆ ସିଡନି ହାରବର ବ୍ରିଜରେ ପ୍ରାୟ 1 ଲକ୍ଷ ଆତବବାଜି କରାଯାଇ 2020କୁ ସ୍ବାଗତ କରାଯାଇଛି ବର୍ଷ । ହାରବର ବ୍ରିଜ ଓ ଅପେରା ହାଉସ ମିଳିତ ଭାବେ ସିଡନି ଆକାଶକୁ ଆଲୋକରେ ରଙ୍ଗୀନ କରି ଦେଇଛନ୍ତି ।