କିଭ୍: ଥମିବାରେ ନାଁ ଧରୁନି ଋଷ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ । ଋଷ ଓ ୟୁ୍କ୍ରେନ ମଧ୍ୟରେ ଚାଲିଥିବା ଯୁଦ୍ଧକୁ ଆଜି ୧୮ ଦିନ ପୂରିଛି । ତେବେ ଋଷ ପକ୍ଷରୁ ୟୁକ୍ରେନ ବିଭିନ୍ନ ସହର ସମେତ ସାମରିକ ଘାଟିରେ ଉପରେ ଆକ୍ରମଣ ଜାରି ରହିଛି । ସେହିପରି ଆଜି ଋଷ ପକ୍ଷରୁ ପଶ୍ଚିମ ୟୁକ୍ରେନରେ ଥିବା ଏକ ସାମରିକ ବେସ ଉପରେ ଆକ୍ରମଣ କରାଯାଇଛି । ଏହି ଆକ୍ରମଣରେ ୩୫ ଜଣଙ୍କର ମୃତ୍ୟୁ ହୋଇଥିବା ବେଳେ ୫୭ ଜଣ ଆହତ ହୋଇଛନ୍ତି । ଏହି ଆକ୍ରମଣ ନେଇ ସ୍ଫଷ୍ଟ କରିଛନ୍ତି ଲିଭ୍ର ରାଜ୍ୟପାଳ ମାକ୍ସିମ୍ କୋଜିଟସ୍କି ।
ଏହା ବି ପଢନ୍ତୁ:Russia Ukraine War: କିଭ ଉପରେ ଋଷର ଗୁଳିମାଡ, ୭ ମୃତ
ସେହିଭଳି କୋଜିଟସ୍କି କହିଛନ୍ତି ଯେ, ଋଷିଆ ୟାଭୋରିଭ ସ୍ଥିତ ସାମରିକ ବେସ ଉପରେ 30ରୁ ଅଧିକ ରକେଟ୍ ମାଡ କରିଛି । ଏପଟେ ଆହତଙ୍କୁ ଉଦ୍ଧାର କରିବା ଲାଗି ବହୁତ ସଂଖ୍ୟାରେ ଆମ୍ବୁଲାନ୍ସ ପଠାଯାଇଛି । ଏଥିସହ ନିଆଁ ଲିଭାଇବା ପାଇଁ ସମସ୍ତ ଉଦ୍ୟମ ଜାରି ରହିଛି ବୋଲି ୟୁ୍କ୍ରେନ ପକ୍ଷରୁ କୁହାଯାଇଛି ।