ରୋମ: ସୁଧୁରୁଛି ପରିସ୍ଥିତି, ଧିରେ ଧିରେ କୋହଳ ହେଉଛି ଲକଡାଉନ । ଅନେକ ୟୁରୋପିଆନ ରାଷ୍ଟ୍ର ପରିସ୍ଥିତିରେ ସୁଧାର ଦେଖି କଟକଣା କୋହଳ କରିବାର ନିଷ୍ପତ୍ତି ନେଇଛନ୍ତି । ଅନେକ ରାଷ୍ଟ୍ର ନିଜର ଗାଇଡଲାଇନରେ ପରିବର୍ତ୍ତନ କରିବା ସହ ବିଦେଶୀ ପର୍ଯ୍ୟଟକଙ୍କୁ ଆସିବାର ଅନୁମତି ଦେଇଛନ୍ତି । କୋରୋନା ଦ୍ବାରା ସମଗ୍ର ୟୁରୋପର ଅବସ୍ଥା ଖରାପ ହୋଇଥିବାବେଳେ ଏଥିରେ ସୁଧାର ଆଣିବାର ଚେଷ୍ଟା କରୁଛନ୍ତି ୟୁରୋପିଆନ ରାଷ୍ଟ୍ର ।
ତେବେ ଶନିବାର ଇଟାଲୀ ଆଶା କରିଛି ଯେ ସମସ୍ତ ୟୁରୋପିଆନ ରାଷ୍ଟ୍ର ନିଜ ସୀମା ଜୁନ୍ 15 ସୁଦ୍ଧା ଖୋଲିଦେବେ । ଇଟାଲୀ ନାଗରିକଙ୍କୁ ଅନ୍ୟ ରାଷ୍ଟ୍ରଙ୍କୁ ପ୍ରବେଶ ଅନୁମତି ମିଳିବ ବୋଲି ସରକାର ଆଶା ରଖିଛନ୍ତି । ପୂର୍ବରୁ ଜୁନ୍ 3ରେ ଇଟାଲୀ ଅନ୍ୟ ସମସ୍ତ ୟୁରୋପିଆନ ରାଷ୍ଟ୍ରଙ୍କ ପାଇଁ ନିଜ ସୀମା ଖୋଲିଛି । ହେଲେ ଏବେ ସୁଦ୍ଧା ଇଚାଲୀ ନାଗରିକଙ୍କୁ ପ୍ରବେଶ ଅନୁମତି ଦେଇନାହାନ୍ତି ଅନ୍ୟ ପଡୋଶୀ ରାଷ୍ଟ୍ର । ଯାହାକୁ ନେଇ ଇଟାଲୀ ସରକାର ଚିନ୍ତିତ ଅଛନ୍ତି ।