ନୂଆଦିଲ୍ଲୀ: ଋଷ ଓ ୟୁକ୍ରେନ ମଧ୍ୟରେ ଜାରି ରହିଥିବା ମହାଯୁଦ୍ଧକୁ ଆଜି ୨୩ ଦିନ ପୂରିଛି । ଏହି ଯୁଦ୍ଧରେ ଉଭୟ ଦେଶର ବହୁତ ସଂଖ୍ୟାରେ ସୈନ୍ୟଙ୍କ ମୃୃତାହତ ହୋଇଛନ୍ତି । ଏଥିସହ ଯୁଦ୍ଧ ବିଭୀଷିକାରେ କେବଳ ବନ୍ଦର ସହର ମାରିଆପୁଲରେ ପ୍ରାୟ ୩ ହଜାର ସାଧାରଣ ନାଗରିକଙ୍କ ମୃତ୍ୟ ହୋଇଥିବା ୟୁକ୍ରେନ କହିଛି ।
ତେବେ ଆଜି ନରୱେ ଠାରେ ୟୁରୋପ ମହାଦେଶ ନେତାଙ୍କ ପକ୍ଷରୁ ନୋବେଲ କିମିଟି ସମ୍ବନ୍ଧିତ ବୈଠକ କରାଯାଇଛି । ଏହି ନୋବେଲ କିମିଟିରେ ୟୁ୍କ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନ୍ସ୍କିଙ୍କୁ ନୋବେଲ ଶାନ୍ତି ପୁରସ୍କାର ଦେବା ଲାଗି ତାଙ୍କ ନାମକୁ ସୁପାରିଶ କରିଛି । ଜେଲେନ୍ସ୍କିଙ୍କୁ ୨୦୨୨ ମସିହାର ନୋବେଲ ଶାନ୍ତି ପୁରସ୍କାର ଦେବା ଲାଗି ନାମାଙ୍କନ ପତ୍ରରେ ତାଙ୍କ ନାମ ଯୋଡିବା ଲାଗି ଏଥିରେ କୁହାଯାଇଛି ।
ଆଜିର ଏହି ନୋବେଲ କିମିଟିରେ ୟୁରୋପ ମହାଦେଶର ବର୍ତ୍ତମାନ ଓ ପୂର୍ବତନ ନେତା ମାନେ ଯୋଗ ଦେଇଥିଲେ । ଏଥିସହ ଜେଲେନ୍ସ୍କିଙ୍କ ନାମକୁ ସୁପାରିଶ ମଧ୍ୟ କରିଥିଲେ । ତେବେ ନୋବେଲ ଶାନ୍ତି ପୁରସ୍କାର ଲାଗି ନାମାଙ୍କନ ପତ୍ର ଦାଖଲ କରିବାର ସମୟ ସରି ଯାଇଥିବା ବେଳେ ୟୁରୋପ ମହାଦେଶ ନେତାଙ୍କ ପକ୍ଷରୁ ତାଙ୍କ ନାମ ଯୋଡିବାକୁ ନୋବେଲ କିମିଟିକୁ ନିବେଦନ କରାଯାଇଥିଲା ।