ହୁବାଇ: ଚୀନରେ ମୃତ୍ୟୁର ଜାଲ ବିଛାଇଛି କୋରୋନା ଭାଇରସ । ପ୍ରାଣୀଘାତୀ ଭାଇରସର କବଳରେ କେବଳ ଚୀନ ନୁହେଁ ସାରା ବିଶ୍ବ ଅଣାୟତ୍ତ। ଏଯାବତ ଚୀନରେ 2346ଜଣଙ୍କ ଜୀବନ ନେଇଥିବା ଏହି ଭାଇରସ ଇଟାଲୀ ଓ ସାଉଥ କୋରିଆକୁ ମଧ୍ୟ ବ୍ୟାପିବା ଆରମ୍ଭ କରିଦେଇଛନ୍ତି ।
ଉହାନରୁ ଉତ୍ପତ୍ତି ହୋଇଥିବା ଏହି ଘାତକ ଏବେ ଇଟାଲୀରେ 2ଜଣଙ୍କ ପ୍ରାଣ ନେବା ସହ 79ଜଣକୁ ଆକ୍ରାନ୍ତ କଲାଣି। ଯଦ୍ବାରା ଦେଶରେ କୋକୁଆ ଭୟ ସୃଷ୍ଟି ହୋଇଛି । ଏହି ଭୟରେ ସମସ୍ତ ସ୍କୁଲ,କଲେଜ ଓ ରାସ୍ତାଘାଟ ବନ୍ଦ ପଡିଛି । ଏପରିକି ସାଉଥକୋରିଆ ମଧ୍ୟ କୋରୋନା ପଞ୍ଝାରେ ଆସିଯାଇଛି । ସେଠାରେ 559 ଜଣ ଆକ୍ରାନ୍ତ ହେବା ସହ 4 ଜଣଙ୍କ ଜୀବନ ଯାଇଥିବା ସୂଚନା ରହିଛି । ସେପଟେ, ହୁବାଇରେ କେବଳ ଆକ୍ରାନ୍ତ ସଂଖ୍ୟା 64 ହଜାରରେ ପହଞ୍ଚିବା ସହ ହୁବାଇ ସ୍ବାସ୍ଥ୍ୟ କମିଶନଙ୍କ ଅନୁଯାୟୀ, 15 ହଜାର 299 ଜଣ ଏହି ରୋଗରୁ ସୁସ୍ଥ ହେଉଛନ୍ତି ।