ଲକଡାଉନ ହଟିବା ପରେ ଉତ୍ସବ ମନାଇଲେ ଏହି ଦେଶର ଲୋକ

ଚେକ ଗଣରାଜ୍ୟ ନାମକ ଏକ ଦେଶରେ ମଧ୍ୟ କୋରୋନା ସଂକ୍ରମଣକୁ ରୋକିବା ପାଇଁ ଲକଡାଉନ ଘୋଷଣା କରାଯାଇଥିଲା । ଏହି ଲକଡାଉନ ହଟିବା ପରେ ସେଠାକାର ଲୋକ ଖୁସିରେ ଉତ୍ସବ ମନାଉଥିବା ଦେଖିବାକୁ ମିଳିଛି ।

ପ୍ରାଗ: ବିଶ୍ବର ପ୍ରାୟ ଅନେକ ଦେଶରେ ମହାମାରୀ କୋରୋନା ଭାଇରସ ନିଜର କାୟା ବିସ୍ତାର କରିଛି । ଦିନକୁ ଦିନ ଏହାର ପ୍ରକୋପ ବଢିବାରେ ଲାଗିଛି । ତେବେ ଏହାର ସଂକ୍ରମଣ ରୋକିବା ପାଇଁ ଅନେକ ଦେଶ ଲକଡାଉନ ଘୋଷଣା କରିଛନ୍ତି । ଚେକ ଗଣରାଜ୍ୟ ନାମକ ଏକ ଦେଶରେ ମଧ୍ୟ କୋରୋନା ସଂକ୍ରମଣକୁ ରୋକିବା ପାଇଁ ଲକଡାଉନ ଘୋଷଣା କରାଯାଇଥିଲା । ତେବେ ଏହି ଲକଡାଉନ ହଟିବା ପରେ ସେଠାକାର ଲୋକ ଖୁସୀରେ ଉତ୍ସବ ମନାଉଥିବା ଦେଖିବାକୁ ମିଳିଛି । ଶହ ଶହ ଲୋକ ପ୍ରାଗ ସଡକରେ ଏକତ୍ରିତ ହୋଇ ଡିନର ପାର୍ଟିର ଆୟୋଜନ କରିଛନ୍ତି ।

ଲକଡାଉନ ହଟିବା ପରେ ଚେକ ଗଣରାଜ୍ୟର ସବୁଠୁ ବଡ ସହର ପ୍ରାଗର ଲୋକମାନେ ଉତ୍ସବ ମନାଇବା ପାଇଁ ଯୋଜନା କରିଥିଲେ । ଏଥିପାଇଁ ସେମାନେ ସହରର ଐତିହାସିକ ଚାର୍ଲସ ବ୍ରିଜରେ ଲମ୍ବା ଡିନର ଟେବୁଲ ଲଗାଇଥିଲେ । ଏହାର ଲମ୍ବ 500 ମିଟର ବୋଲି ଜଣାପଡିଛି । ତେବେ ସହରର ଲୋକ ନିଜ ନିଜ ଘରୁ ଖାଇବା ନେଇ ସେଠାରେ ଏକତ୍ରିତ ହୋଇ ଖାଇଥିଲେ ।

ସୂଚନାଯୋଗ୍ୟ ଯେ, ଚେକ ଗଣରାଜ୍ୟରେ କୋରୋନା ଭାଇରସ ଆରମ୍ଭ ହେବା ମାତ୍ରେ ଏନେଇ ପଦକ୍ଷେପ ନିଆଯାଇଥିଲା । ଏଥିଯୋଗୁଁ ଦେଶେ 12,000 କୋରୋନା ସଂକ୍ରମଣ ମାମଲା ସାମ୍ନାକୁ ଆସିଥିଲା । କୋରୋନାରେ 350 ଲୋକଙ୍କର ପ୍ରାଣହାନୀ ଘଟିଥିଲା । ଏହି ଦେଶର ଜନସଂଖ୍ୟା 1.07 କୋଟି ରହିଛି ।