କୋରୋନାରୁ ସୁସ୍ଥ ହୋଇ କାର୍ଯ୍ୟଭାର ସମ୍ଭାଳିବାକୁ ପ୍ରସ୍ତୁତ ବୋରିଶ ଜନସନ

ଦୀର୍ଘ ପ୍ରାୟ ସପ୍ତାହେର ଲଢେଇ ପରେ ସୁସ୍ଥତା ଆଡକୁ ଦ୍ରୁତ ବେଗରେ ଗତି କରୁଛନ୍ତି ବ୍ରିଟିଶ ପ୍ରଧାନମନ୍ତ୍ରୀ ବୋରିଶ ଜନଶନ । ଏବେ ସେ ପୁଣି ଥରେ ଦେଶର ଭାର ନେବା ପାଇଁ ପ୍ରସ୍ତୁତ ହେଉଛନ୍ତି ।

ଲଣ୍ଡନ: ପ୍ରାୟ ସପ୍ତାହର ଲଢେଇ ପରେ ସୁସ୍ଥତା ଆଡକୁ ଦ୍ରୁତ ବେଗରେ ଗତି କରୁଛନ୍ତି ବ୍ରିଟିଶ ପ୍ରଧାନମନ୍ତ୍ରୀ ବୋରିଶ ଜନଶନ । ହେଲେ ବୋରିଶଙ୍କ ସୁସ୍ଥତାର ଅପରପାର୍ଶ୍ବରେ ଦେଶରେ ଭୟଙ୍କର ହେବାରେ ଲାଗିଛି କୋରୋନା ପରିଣାମ । ଯାହାକୁ ସୁଧାରିବା ପାଇଁ ପୁଣି କାର୍ଯ୍ୟଭାର ସମ୍ଭାଳିବାକୁ ଆଗେଇ ଆସଛନ୍ତି ବୋରିଶ । ଦେଶକୁ ବର୍ତ୍ତମାନ ତାଙ୍କର ଆବଶ୍ୟକତା ରହିଥିବା ସେ ହୃଦବୋଧ କରି ଏପରି ନିଷ୍ପତ୍ତି ନେଇଥିବା ଜଣାପଡିଛି ।

ସୂଚନା ଅନୁଯାୟୀ ଗତ ଦୁଇ ସପ୍ତାହ ତଳେ ପ୍ରଧାନମନ୍ତ୍ରୀ ବୋରିଶ ଜନଶନ କୋରୋନାରେ ଆକ୍ରାନ୍ତ ଥିବା ଜଣାପଡିଥିଲା । ଏହାପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯିବା ସହ ତିନି ଦିନ ପର୍ଯ୍ୟନ୍ତ ଅତି ସମ୍ବେଦନଶୀଳ ଚିକିତ୍ସା ଜାରି ରହିଥିଲା । ଡାକ୍ତର ଓ ଅନ୍ୟ ସହକାରୀ କର୍ମଚାରୀଙ୍କ ନିଷ୍ଠାପର ସେବା ପାଇଁ ସେ ପୁଣି ଜୀବନଦାନ ପାଇଥିବା ପ୍ରକାଶ କରିଛନ୍ତି । ତେବେ ବର୍ତ୍ତମାନ 55 ବର୍ଷୀୟ ବୋରିଶ ପୁଣି ଦେଶର ଭାର ନେବା ପାଇଁ ପ୍ରସ୍ତୁତ ହେଉଛନ୍ତି ।

ଅତି କଷ୍ଟ ସମୟ ଦେଇ ଗରି କରିବା ପରେ ଦେଶର ଭାର ସମ୍ଭାଳିବା କଷ୍ଟକର ସତ ହେଲେ ଏହା ଅସମ୍ଭବ ନୁହେଁ ବୋଲି ବୋରିଶ କହିଛନ୍ତି । ସେପଟେ ବୋରିଶଙ୍କ ସହ ଫୋନ ଯୋଗେ କଥା ହେବା ପରେ ଆମେରିକା ରାଷ୍ଟ୍ରପତି ପ୍ରକାଶ କରିଛନ୍ତି କି ବୋରିଶ ଏକଦମ ସୁସ୍ଥ ଥିବା ଜଣାପଡୁଛନ୍ତି ।