କୋରୋନା ସଂକ୍ରମଣରୁ ସୁସ୍ଥ ହେଉଛନ୍ତି ବୋରିସ ଜନଶନଙ୍କ ପ୍ରେମିକା

ସୁସ୍ଥ ହେଉଛନ୍ତି ବ୍ରିଟିଶ ପ୍ରଧାନମନ୍ତ୍ରୀ ବୋରିଶ ଜନଶନଙ୍କ ପ୍ରେମିକା । କ୍ୟାରି ବର୍ତ୍ତମାନ ଛଅ ମାସର ଗର୍ଭବତୀ ଥିବା ବେଳେ ସୁରକ୍ଷା ଦୃଷ୍ଟିରୁ ସେ ଆଇସୋଲେସନରେ ରହିଛନ୍ତି ।

ଲଣ୍ଡନ: ସୁସ୍ଥ ହେଉଛନ୍ତି ବ୍ରିଟିଶ ପ୍ରଧାନମନ୍ତ୍ରୀ ବୋରିଶ ଜନଶନଙ୍କ ପ୍ରେମିକା । କିଛି ଦିନ ତଳେ ବୋରିଶ ଜନଶନ କୋରୋନାରେ ଆକ୍ରାନ୍ତ ଥିବା ଜଣାପଡିବା ପରେ ତାଙ୍କ ପ୍ରେମିକା କ୍ୟାରି ସିମୋଣ୍ଡ୍ସଙ୍କଠାରେ ମଧ୍ୟ କୋରୋନା ଲକ୍ଷଣ ଦେଖା ଦେଇଥିଲା । କ୍ୟାରି ବର୍ତ୍ତମାନ ଛଅ ମାସର ଗର୍ଭବତୀ ଥିବାବେଳେ ସୁରକ୍ଷା ଦୃଷ୍ଟିରୁ ସେ ଆଇସୋଲେସନରେ ରହିଛନ୍ତି ।

କ୍ୟାରି ଏନେଇ ନିଜ ଟ୍ବିଟର ହ୍ୟାଣ୍ଡେଲରେ ସୂଚନା ଦେଇଛନ୍ତି କି ଗତ ସପ୍ତାହରେ ସେ ନିଜ ଠାରେ କୋରୋନାର ଲକ୍ଷଣ ଦେଖିଥିଲେ। କିନ୍ତୁ ଏନେଇ କୌଣସି ଟେଷ୍ଟ କରିବା ପରିବର୍ତ୍ତେ ସେ ନିଜକୁ ଆଇସୋଲେସନରେ ରଖିଥିଲେ । ଆଉ ଏବେ ସପ୍ତାହେ ପରେ ସେ ନିଜକୁ ସୁସ୍ଥ ଅନୁଭବ କରୁଥିବା ମଧ୍ୟ ପ୍ରକାଶ କରିଛନ୍ତି ।