କାନବେରା: କୋରୋନା ଟିକା ନେଲେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନ । ରବିବାର କୋଭିଡ-19 ଫାଇଜର ଭ୍ୟାକ୍ସିନର ପ୍ରଥମ ଡୋଜ ନେଇଛନ୍ତି ସ୍କଟ ମୋରିସନ । ଏହି ଭ୍ୟାକ୍ସିନ ସ୍ବାସ୍ଥ୍ୟ ବିଶେଷଜ୍ଞଙ୍କ ଦ୍ବାରା ପରୀକ୍ଷା କରାଯାଇ ସ୍ବୀକୃତି ପାଇଛି ।
ମୁଁ ଆଜି କୋରୋନା ଭ୍ୟାକ୍ସିନ ନେଇଛି । ମୋ ସହିତ ଅଷ୍ଟ୍ରେଲିଆ ସିଏମଓ ପାଲ କେଲି ମଧ୍ୟ ରହିଛନ୍ତି । ଏହା ସ୍ବାସ୍ଥ୍ୟ ବିଶେଷଜ୍ଞଙ୍କ ଦ୍ବାରା ପରୀକ୍ଷା କରାଯାଇଛି । ଏହା ସମ୍ପୂର୍ଣ୍ଣ ନିରାପଦ ଓ ପ୍ରଭାବଶାଳୀ ବୋଲି ଟ୍ବିଟ କରି କହିଛନ୍ତି ଆଷ୍ଟ୍ରେଲିଆ ପ୍ରଧାନମନ୍ତ୍ରୀ ସ୍କଟ ମୋରିସନ ।