ମସ୍କୋ: ସୋମବାର ସକାଳେ ଋଷିଆର ପର୍ମ ସିଟିରେ ଗୁଳିକାଣ୍ଡ । ଜଣେ ଅଜଣା ବ୍ୟକ୍ତି କରିଛି ଏଭଳି ଗୁଳି ବର୍ଷଣ । ଘଟଣାରେ ୮ ଜଣ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ଅନେକ ଆହତ ହୋଇଛନ୍ତି । ଏହି ଗୁଳିକାଣ୍ଡ ଘଟାଇଥିବା ଗନ୍ମ୍ୟାନକୁ ଅଟକ ରଖାଯାଇଥିବା ଆଭ୍ୟନ୍ତରୀଣ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି ।
ସୋସିଆଲ ମିଡ଼ିଆରେ ସେୟାର କରାଯାଇଥିବା ଏକ ଭିଡ଼ିଓରେ ଭୟରେ ଛାତ୍ରଛାତ୍ରୀ ଝରକା ଦେଇ ବାହାରକୁ ବାହାରୁଥିବା ଦେଖିବାକୁ ମିଳିଛି । ସୂଚନା ଅନୁସାରେ ଜଣେ ବନ୍ଧୁକଧାରୀ ଆଜି(ସୋମବାର) ପୂର୍ବାହ୍ନ ପ୍ରାୟ ୧୧ଟା ବେଳେ ବିଶ୍ବବିଦ୍ୟାଳୟ ପରିସରରେ ପହଞ୍ଚିଥିଲା । ଏହାପରେ ବିଶ୍ବବିଦ୍ୟାଳୟ ଭିତରକୁ ପ୍ରବେଶ କରିବା ମାତ୍ରେ ଆଖି ପିଛୁଳାକେ ଗୁଳି ବର୍ଷଣ କରିଥିଲା । ଏହି ଗୁଳିକାଣ୍ଡରୁ ବର୍ତ୍ତିବା ପାଇଁ କିଛି ଛାତ୍ରଛାତ୍ରୀ ଅଡ଼ିଟୋରିଅମରେ ନିଜକୁ ବନ୍ଦ କରି ରଖିଥିବା ବେଳେ ଆଉ କିଛି ଜୀବନ ବିକଳରେ ଝରକା ପଟେ ତଳକୁ ଡେଇଁଥିଲେ ।