ନୂଆଦିଲ୍ଲୀ: 1993 ମୁମ୍ବାଇ ଆତଙ୍କୀ ଆକ୍ରମଣର ଅଭିଯୁକ୍ତ ଅବୁ ସଲେମର ଏକ ଯାଚିକାକୁ ଖାରଜ କରିଛି ପର୍ତ୍ତୁଗାଲର ଲିସ୍ବନ କୋର୍ଟ । ଭାରତ ଓ ପର୍ତ୍ତୁଗାଲ ମଧ୍ୟରେ ପ୍ରତ୍ୟର୍ପଣ ଚୁକ୍ତି ଅନୁଯାୟୀ ନିୟମ କାନୁନ ଉଲ୍ଲଂଘନ ଅଭିଯୋଗରେ ସଲେମ ଉପରେ ଏକ ମାମଲା ରୁଜୁ ହୋଇଥିଲା । ହେଲେ ମାମଲାରେ ସଲେମର ଯାଚିକାରେ ତଥ୍ୟର ଅଭାବ ଦର୍ଶାଇ ଶୁକ୍ରବାର ସମ୍ପୃକ୍ତ କୋର୍ଟର 5 ଅର୍ଗାନିକ ୟୁନିଟ ଏହାକୁ ଖାରଜ କରିଛି ।
କୋର୍ଟରେ ସଲେମର ଦ୍ବାରା ଦାୟର ହୋଇଥିବା ଯାଚିକାରେ ଥିବା ତଥ୍ୟ ରାଜନୈତିକ ଓ ଜଟିଳ ହୋଇଥିବା ବେଳେ ମାମଲାଟି ସମ୍ପୂର୍ଣ୍ଣ ଭାବେ ପ୍ରଶାସନିକ ବୋଲି କୋର୍ଟ ରାୟ ଦେଇଛନ୍ତି । କୋର୍ଟ ଏହା ମଧ୍ୟ କହିଛନ୍ତି କି ସଲେମ ପ୍ରଶାସନିକ ଆଇନ ବଦଳରେ ଅନ୍ତର୍ଜାତୀୟ ଆଇନ ଅନୁଯାୟୀ ଯାଚିକା ଦାୟର କରିଛି । ତେଣୁ ଏହାକୁ ପ୍ରଶାସନିକ କୋର୍ଟ ଖାରଜ କରିଛି ବୋଲି ଅଧିକାରୀ ସୂତ୍ରରୁ ଜଣାପଡିଛି ।
ସୂଚନା ଅନୁଯାୟୀ 2005ରେ ସଲେମକୁ ପର୍ତ୍ତୁଗାଲରୁ ପ୍ରତ୍ୟର୍ପିତ କରାଯାଇ ଭାରତରେ 25 ବର୍ଷ ପାଇଁ ଜେଲ ଦଣ୍ଡ ଦିଆଯାଇଥିଲା । ଏନେଇ ସଲେମ ନିଜ ଉପରେ ଲାଗିଥିବା ଷଷ୍ଠ ଆରୋପକୁ ଚ୍ୟାଲେଞ୍ଜ କରିଥିଲା । ଯାହା ଅନୁଯାୟୀ ତାକୁ ଟ୍ରାଏଲ କୋର୍ଟକୁ ଯିବା ସମୟରେ ପ୍ରତ୍ୟର୍ପଣ ପାଇଁ ଅନୁମତି ନଥିଲା ହେଲେ ସମାନ ସମୟରେ ଭାରତୀୟ ସର୍ବୋଚ୍ଚ ନ୍ୟାୟାଳୟରେ ତାଙ୍କ ବିରୋଧରେ ଏକ ଯାଚିକା କିପରି ଦାୟର କରାଯାଇଥିଲା ବୋଲି ସେ ଚ୍ୟାଲେଞ୍ଜ କରିଥିଲା ।
ଯାହାକୁ ନେଇ 10 ସେପ୍ଟେମ୍ବର 2010ରେ ରାୟ ଶୁଣାଇ ଉଚ୍ଚ ନ୍ୟାୟାଳୟ କହିଥିଲେ କି କୌଣସି ସ୍ବତନ୍ତ୍ର ନିୟମର ଉଲ୍ଲଂଘନ ହୋଇନାହିଁ । ଯାହାକୁ ନେଇ ସଲେମ ପର୍ତ୍ତୁଗାଲ କୋର୍ଟରେ ସମାନ ପ୍ରସଙ୍ଗ ଉଠାଇଥିଲା । ହେଲେ ଏହା ଉଭୟ ରାଷ୍ଟ୍ର ମଧ୍ୟରେ ସୃଷ୍ଟି କରୁଥିବା ଏକ ରାଜନୈତିକ ଓ ଜଟିଳ ମାମଲା ବୋଲି ପରବର୍ତ୍ତୀ ସମୟରେ ପର୍ତ୍ତୁଗାଲ କୋର୍ଟ ଜାଣିପାରିଥିଲା। ତେବେ ପରବର୍ତ୍ତୀ ସମୟରେ ଅଗଷ୍ଟ 5, 2013ରେ ସଲେମ ଏହି ମାମଲା ନେଇ ଭାରତୀୟ ସୁପ୍ରିମକୋର୍ଟ ସାମ୍ନାରେ ଆନ୍ଦୋଳନ କରିଥିଲା ।
@IANS
