ସିଓଲ: ଆମେରିକୀୟ ଉପସଚିବ ତଥା ୱାଶିଂଟନର ଆଣବିକ ମୁଖ୍ୟ ଦୂତ ଷ୍ଟିଫେନ ବିଏଗନ ମଙ୍ଗଳବାର ସିଓଲରେ ପହଞ୍ଚିଛନ୍ତି । ଉତ୍ତର କୋରିଆର ଆଣବିକ ଶକ୍ତି ନଷ୍ଟ ଉଦ୍ଦେଶ୍ୟରେ ଆଲୋଚନା ପାଇଁ ସେ ସିଓଲରେ ପହଞ୍ଚିଥିବା ଜଣା ପଡିଛି । କିଛି ଦିନ ତଳେ ଉତ୍ତର କୋରିଆ ଆମେରିକା ସହ ବୁଝାମଣା କରିବାକୁ ମନା କରିଦେଇଥିବା ବେଳେ ଆପାତକାଳୀନ ଭାବେ ଷ୍ଟିଫେନ ତିନି ଦିନିଆ ସିଓଲ ଗସ୍ତ କରିଛନ୍ତି ।
ସୂଚନା ଅନୁଯାୟୀ ଉତ୍ତର କୋରିଆ କିଛି ଦିନ ତଳେ ଏକ ମନ୍ତବ୍ୟ ଦେଇ ପ୍ରକାଶ କରିଥିଲା କି ଆମେରିକା ସହ ମୁହାଁମୁହିଁ ହୋଇ କୌଣସି ବୁଝାମଣା କରିବା ପାଇଁ ସେ ଜରୁରୀ ଭାବୁନାହିଁ । ଏହାର କୌଣସି ଲାଭ ନଥିବା ବେଳେ ବର୍ତ୍ତମାନ ସ୍ଥିତିରେ ଆଲୋଚନାର କୌଣସି ଆବଶ୍ୟକତା ନଥିବା ଉତ୍ତର କୋରିଆ ପକ୍ଷରୁ ପ୍ରକାଶ ପାଇଥିଲା । ଏନେଇ ସିଓଲ ଗସ୍ତରେ ଥିବା ଷ୍ଟିଫେନ ସିଓଲ ଆଣବିକ ଦୂତ ଲି ଡୁ ହୋନଙ୍କ ସହ ଆଲୋଚନା କରିବାର ଯୋଜନା ରହିଛି ।