ଲାହୋର: ପାକିସ୍ତାନରୁ ପଳାୟନ କରିଥିବା ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫଙ୍କୁ ପ୍ରତ୍ୟାର୍ପଣ କରିବାକୁ ଇମ୍ରାନ ଖାନଙ୍କ ସରକାର ବ୍ରିଟେନକୁ ଅନୁରୋଧ କରିଛନ୍ତି । ଏନେଇ ପାକର ପ୍ରମୁଖ ଗଣମାଧ୍ୟମ ଡନ ପ୍ରକାଶିତ କରିଛି ।
ପାକିସ୍ତାନୀ ଗଣମାଧ୍ୟମ ଡନରେ ପ୍ରକାଶିତ ଖବର ଅନୁସାରେ, ପାକିସ୍ତାନ ସରକାର ସରିଫଙ୍କ ପ୍ରତ୍ୟାର୍ପଣ ପାଇଁ ବ୍ରିଟେନ ସହ କଥାବାର୍ତ୍ତା ଚାଲିଥିବା କୁହାଯାଇଛି । ଏହାସହ ପ୍ରଧାନମନ୍ତ୍ରୀଙ୍କ ପରାମର୍ଶଦାତା ଶେହଜାଦ ଆକବରଙ୍କ ବିବୃତ୍ତିକୁ ପ୍ରକାଶ କରାଯାଇଛି ।
ଲଣ୍ଡନ ରାସ୍ତାରେ ସେ ଖୋଲାରେ ବୁଲୁଥିବା ବେଳେ ଏହା ଦେଶର ନ୍ୟାୟପାଳିକାକୁ ଅପମାନ । ତେଣୁ ସରକାର ତାଙ୍କ ଉପରେ କଠୋର ପଦକ୍ଷେପ ଗ୍ରହଣ କରିବେ ବୋଲି ପରାମର୍ଶଦାତା କହିଛନ୍ତି । ସେ ଆହୁରି ମଧ୍ୟ କହିଛନ୍ତି ଏଥିରେ ବ୍ୟକ୍ତିଗତ କିଛି ନାହିଁ । ଆମେ କେବଳ ଆଇନ କାର୍ଯ୍ୟକାରୀ କରିବାକୁ ଚେଷ୍ଟା କରୁଛୁ।