ଟୋକିଓରେ ଦ୍ବିତୀୟ ପର୍ଯ୍ୟାୟ ଲକଡାଉନ କୋହଳ, ଖୋଲିଲା ସ୍କୁଲ ଓ ଦୋକାନ

ପାଖାପାଖି ତିନି ମାସରେ ବିରତି ପରେ ପୁଣି ସ୍ବାଭାବିକ ହେଉଛି ଟୋକିଓ । ଧିରେ ଧିରେ ପର୍ଯ୍ୟାୟକ୍ରମେ ଲକଡାଉନ କୋହଳ ହେଉଥିବା ବେଳେ ସୋମବାର ଠାରୁ ଦ୍ବିତୀୟ ପର୍ଯ୍ୟାୟରେ ପ୍ରବେଶ କରିଛି ଟୋକିଓ । ଏହି କ୍ରମରେ ସୋମବାରଠାରୁ ଟୋକିୟୋରେ ସ୍କୁଲ ଖୋଲିବା ପାଇଁ ଅନୁମତି ମିଳିଛି ।

ଟୋକିଓ: ପାଖାପାଖି ତିନି ମାସରେ ବିରତି ପରେ ପୁଣି ସ୍ବାଭାବିକ ହେଉଛି ଟୋକିୟୋ । ଧିରେ ଧିରେ ପର୍ଯ୍ୟାୟକ୍ରମେ ଲକଡାଉନ କୋହଳ ହେଉଥିବା ବେଳେ ସୋମବାରଠାରୁ ଦ୍ବିତୀୟ ପର୍ଯ୍ୟାୟରେ ପ୍ରବେଶ କରିଛି ଟୋକିଓ । ଏହି କ୍ରମରେ ସୋମବାର ଠାରୁ ଟୋକିଓରେ ସ୍କୁଲ ଖୋଲିବା ପାଇଁ ଅନୁମତି ମିଳିଛି । ଏଥିସହ ଅଧିକ ସଂଖ୍ୟକ ଦୋକାନ ଖୋଲିବା ନେଇ ମଧ୍ୟ ନିଷ୍ପତ୍ତି ନିଆଯାଇଛି ।

ଏହି ଲକଡାଉନ କଟକଣା କୋହଳ ପ୍ରକ୍ରିୟାରେ ବର୍ତ୍ତମାନ 100 ଜଣ ପର୍ଯ୍ୟନ୍ତ ଲୋକଙ୍କୁ ନେଇ କାର୍ଯ୍ୟକ୍ରମ ଆୟୋଜନ କରାଯାଇପାରିବ । ତେବେ ଟୋକିୟୋ ଅଧିକାରୀଙ୍କ ଯୋଜନା ଅନୁଯାୟୀ ପ୍ରତି ଦୁଇ ସପ୍ତାହ ଅନ୍ତରରେ ଲକଡାଉନ କୋହଳ ପ୍ରକ୍ରିୟାର ସ୍ତର ବୃଦ୍ଧି କରାଯିବ । କିନ୍ତୁ ଯଦି ଏହି ଦୁଇ ସପ୍ତାହ ମଧ୍ୟରେ ଆକ୍ରାନ୍ତଙ୍କ ସଂଖ୍ୟାରେ ହ୍ରାସ ଘଟେ ତେବେ ନିର୍ଦ୍ଧାରିତ ସମୟ ପୂର୍ବରୁ ତୃତୀୟ ପର୍ଯ୍ୟାୟ ଲକଡାଉନ କୋହଳ ପ୍ରକ୍ରିୟା ଲାଗୁ ହେବ ବୋଲି ସୂଚନା ରହିଛି ।

ରବିବାର ଟୋକିଓରେ ମାତ୍ର 5 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏହା ଛଅ ଦିନ ମଧ୍ୟରେ ସବୁଠାରୁ ଭଲ ଖବର ବୋଲି ପ୍ରକାଶିତ । ଏହା ପୂର୍ବରୁ ଟୋକିଓରେ କୋରୋନାର ପ୍ରଭାବ ଅଧିକ ରହିଥିବା ବେଳେ ସମୟ ସହ ଏହି ପ୍ରଭାବ କମ ହେଉଥିବା ଦେଖାଯାଇଛି । ହେଲେ ଏଥିରେ ସତର୍କତା କମ ନନେଇ ଅଧିକ ସଚେତନ ଓ ସତର୍କ ରହିବା ପାଇଁ ଟୋକିଓବାସୀଙ୍କୁ ଅନୁରୋଧ କରିଛନ୍ତି ଅଧିକାରୀ ।

@IANS