ସିଙ୍ଗାପୁର: ଗତ କିଛି ଦିନ ହେବ ଜୁମ ଆପକୁ ନେଇ ଲାଗି ରହିଥିବା ସୁରକ୍ଷା ସମ୍ବନ୍ଧୀୟ ଖବର ଶୁକ୍ରବାର ସିଙ୍ଗାପୁରରେ ଏକ ବିରାଟ ପରିବର୍ତ୍ତନର ବାର୍ତ୍ତା ବହନ କରିଛି । ଶୁକ୍ରବାର ସିଙ୍ଗାପୁରରେ ଏକ ଘରୋଇ ଶ୍ରେଣୀରେ ଭିଡିଓ କନଫରେନ୍ସିଂ ଟୁଲ୍ ଜୁମ୍ ବ୍ୟବହାର ବନ୍ଦ କରି ଦେଇଛନ୍ତି । ରିପୋର୍ଟ ଅନୁଯାୟୀ, କୋରୋନା ଭାଇରସ ବିସ୍ତାରକୁ ଦୃଷ୍ଟିରେ ରଖି ସିଙ୍ଗାପୁର ବୁଧବାର ଦିନ ସ୍କୁଲ ବନ୍ଦ କରିଛି ।
ଅଭିଭାବକମାନେ ସ୍ଥାନୀୟ ଗଣମାଧ୍ୟମକୁ କହିଛନ୍ତି ଯେ ଏହି ଘଟଣା ମାଧ୍ୟମିକ ବିଦ୍ୟାଳୟର ପ୍ରଥମ ବର୍ଷର ଛାତ୍ରଛାତ୍ରୀଙ୍କ ଭୂଗୋଳ ଶ୍ରେଣୀରେ ଘଟିଛି । ପ୍ରାୟ 39 ପିଲା ଅନଲାଇନ୍ କ୍ଲାସ୍ ନେଉଥିଲେ, ଏହି ସମୟ ମଧ୍ୟରେ ଷ୍ଟ୍ରିମ୍ ହ୍ୟାକ୍ ହୋଇଥିଲା ଏବଂ ହଠାତ୍ 'ଦୁଇ ଜଣ ପୁରୁଷ' ଦେଖା ଦେଇ ଅଶ୍ଳୀଳ ମନ୍ତବ୍ୟ ଦେଇଥିଲେ | ପରେ ତୁରନ୍ତ ଶ୍ରେଣୀ ବନ୍ଦ ହୋଇଗଲା |