କାବୁଲ: ବନ୍ଧୁକ ମୁନରେ ସମ୍ପୂର୍ଣ୍ଣ ଆଫଗାନିସ୍ତାନକୁ ଦଖଲ କରିସାରିଛି ତାଲିବାନ । ହେଲେ ଏଯାଏଁ ଦେଶର ଅଭେଦ୍ୟ ଦୁର୍ଗ ପଞ୍ଜଶୀରରେ ପାଦ ଦେଇପାରିନାହାଁନ୍ତି ତାଲିବାନ ଆତଙ୍କୀ । ଏଠାରେ ଆରମ୍ଭ ହୋଇଯାଇଛି ଉତ୍ତର ସାମୁଖ୍ୟ ଓ ତାଲିବାନୀଙ୍କ ମଧ୍ୟରେ ମହାସଂଗ୍ରାମ । ପଞ୍ଜଶୀରରରେ ତାଲିବାନକୁ କଡା ଟକ୍କର ଦେଉଛି ଅହମଦ ଶାହ ମସୁଦଙ୍କ ସେନା ।
ଗୋଟିଏ ପରେ ଗୋଟିଏ ସହର ଦଖଲ କରିବା ପରେ ଶେଷରେ ପଞ୍ଜଶୀର କବଜା କରିବାକୁ ଆଗକୁ ବଢୁଛି ତାଲିବାନ । ଆଫଗାନିସ୍ତାନରେ ପଞ୍ଜଶୀର ଘାଟି ଏକମାତ୍ର ସ୍ଥାନ ରହିଛି, ଯାହାକୁ କବଜା କରିପାରିନାହାଁନ୍ତି ତାଲିବାନ ଆତଙ୍କୀ । ଏଠାରୁ କ୍ରମାଗତ ତାଲିବାନୀଙ୍କୁ ମିଳୁଛି କଡା ଟକ୍କର । ତାଲିବାନକୁ କଡା ଜବାବ ଦିଆଯିବ ବୋଲି କହୁଛନ୍ତି ପଞ୍ଜଳଶୀରର କମାଣ୍ଡୋ ।