ଲାହୋର: ପାକିସ୍ତାନରେ କୋରୋନା ସହ ମୁକାବିଲା ପାଇଁ ଲାହୋର ସମେତ ପଞ୍ଜାବ ପ୍ରାନ୍ତର କେତେକ ଅଞ୍ଚଳରେ ଲାଗୁ ହୋଇଛି ସ୍ମାର୍ଟ ଲକଡାଉନ । ଏଠାରେ ପ୍ରାୟ 100 ମିଲିୟନରୁ ଅଧିକ ଲୋକେ ବସବାସ କରୁଥିବା ବେଳେ ସେମାନଙ୍କ ସୁରକ୍ଷା ପାଇଁ ଭିନ୍ନ ପଦକ୍ଷେପ ନେବାର ଆବଶ୍ୟକତା ରହିଛି । ଏଥିପାଇଁ ବୁଧବାରଠାରୁ ଏହି ଅଞ୍ଚଳରେ ଲାଗୁ କରାଯାଇଛି ସ୍ମାର୍ଟ ଲକଡାଉନ ।
ଗୁରୁବାର ଏହି ପ୍ରାନ୍ତରେ ପ୍ରାୟ 60 ନୂଆ ମାମଲା ଚିହ୍ନଟ ହୋଇଥିବା ବେଳେ ପାକିସ୍ତାନର ମୋଟ 1,60,116 ଆକ୍ରାନ୍ତଙ୍କ ମଧ୍ୟରୁ କେବଳ ପଞ୍ଜାବ ପ୍ରାନ୍ତରେ 60,138ଟି ପଜିଟିଭ ମାମଲା ସାମ୍ନାକୁ ଆସିଛି । ତେବେ ଏଠାରେ ଲାଗୁ ହୋଇଥିବା ସ୍ମାର୍ଟ ଲକଡାଉନ ଆଧାରରେ ଅର୍ଥନୀତି ଉପରେ କମ ପ୍ରଭାବ ପକାଇ ଲୋକଙ୍କୁ ଏକ ବ୍ୟବସ୍ଥିତ ଢଙ୍ଗରେ ପରିଚାଳିତ କରିବା ପାଇଁ ଯୋଜନା ପ୍ରସ୍ତୁତ କରାଯାଇଛି ।